MTHWAKAZI OKUHLE KANDABA KAMANGETHE KALANGA THOLE LESILO MDAKA OMUHLE AKE NGIYITHUNGELE EBANDLA BATSHO NJALO ABADALA

INTO NANSI IZAGA ZISIKHOMBISANI NGOLIMI LWESINDEBELE OLUMNANDI KANGAKA CAN WE SAY IZAGA ARE A DISTIGUISHING PART OF THE NDEBELE KINGDOM OR LANGUAGE

Nzingo

Yebo ungatsho njalo kodwa ke ukhumbule ukuthi izaga zikhona endimini (languages) zonke zomhlaba. Uzakhumbula futhi ukuthi izaga zesiNdebele zi derived from both Xhosa and Zulu. They are not germaine (do not originate from) to Ndebele language.

KODWA KE KUNGABE KUQONDILE NA UKUTHI IZAGA ZILIFUTHA ELENZA ULIMI LWESINDEBELE LUNONE LUNAMBITHEKE NXA SILUKHULUMA UTHINI UMTHWAKAZI NGALOLUDABA NGIKHULEKILE

kanti nsingo lo lobhengula,ingani lonke lise tsholotsho madoda ,njalo inkulumo zenu ziyahambelana ,kusuke kusolise mhlawumbe ngumuntu oyedwa ,ofuna ukudlala ngathi.

Tshisa

Let me start by congratulating you for being such a prolific contributor to this forum(342 posts). Keep it up man you have inspired many of us.
But for a man of your stature and experience, I would have expected you to realise that Nzingo is way ahead of me in terms of ukujula kwengqondo and wisdom. So for you to associate me with him is indeed a bonus for me but i hope he will be comfortable to be associated with a minow like me.
Tshisa you should know that people who come from the same neighbourhood generally have the same accent and they use related or similar words in their diction. For me it is an honour to see guys from my province (Tsholotsho) not only putting it in the digital cyberspace, but also being proud of it. For example currently iam not even in Tsholotsho (iam thousands of kilometres away. I could have said iam from Mars or Toronto or Soweto or White house or 10 Downing street or Quebec or Montreal or Columbia or Jupiter or Buckingham palace or Ko Ntongaziwelene or Makokoba. Iam emphasizing this so that you can see where you missed the point bra Tshisa.
Otherwise one of these days i want to go to BF and watch bosso. Gents when bosso is playing nowadays, the whole of Byo is painted black & white. I have never seen a team any where in the world that's got so much devoted supporters.

Nkosi yohlanga (Boya benyathi, Mpongo kaZingelwayo!)

Mfowethu uzihluphelani ngomlopholo ofana njengoTshisa? Experienced contributor as he is(based solely on qnty),one would expect a bit of class from him. It's clear that to him it's just the quantity & not ingqikithi of the posts that matters.

His blubbering & blundering verbal tirade directed at you must be characteristic of his contributions - a load of zilch. He's basically talking aloud but saying nothing.

A wise man once said, 'blessed is the man who, having nothing to say, abstains from giving wordy evidence of the fact.' Sadly, Tshisa gives wordy evidence of his poverty of thought.

Isishwapha sikaNdonga; okamthakath' owathakath' emini!
Inxangiphilile.
Ongoye

Mntongenakudla (Mhabahaba, Ndonga, Nkwaliyenkosi)

Enkosi baba.Ngitsho lakusendulo indoda elomqondo omfitshane bekuthi nxa amadoda ehlafuna indaba yona bethi iyekosa inyama noma iyehlinza imbuzi. Kodwa ke umfowethu UTshisa yindoda ehloniphekayo njalo elomqondo ojulileyo okumangalisayo.

hayi mntongenakudla,bengibuza nje kuphela ku lobhengula lo nsingo,ngoba ngibone kungiphica,ayisikho ukuthi ngiyabaqala kumbe ngithini hatshi,
kuhle phela ukubuza nxa into ungayiboni kahle,njalo ungaze wakhuluma ingani uyahlanza ndoda,asixoxeni kuhle sikholise sonke,
ube le mpelaviki ende mdala njalo uyikholise mnandi.ngiyabonga lobhengula ,sengiyithola indaba yakhona manje asiqhubekeni madoda.

Umenzi kakhalelwa kukhalelwa umenziwa

uTshisa ubethi uyabuza engaqonde ukulwa..in other ways singathi ubeku lighter side of the forum trying to bring humour out of us ngoba kube kungumbuzo nje ongajulile.bayakwenza abantu ukuba lamabizo ashiyene ku one forum but kuMthwakazi akuvamanga lokhu kodwa ungangena kulawa afana le new zimbabwe lizabona ukuthi why umfowethu ebuzile.Mayuyu mfoka Mntongenakudla...induku phansi akula sitha esingenile ekhaya bo!Umfoka B Luthuli[umfoka Molo] wathi"isibhamu asakhi lutho emhlabeni,sehlula uBush sehlula Saddam,ayiphele lendaba",ukuthula ebandleni,hotsoe fela.
-----------------------------------------
Sirumula...mafenya tsila

Hawu Mntongenakudla, wakhwela wazehlela kuTshisa, kutheni nsizwa ebanzi? Ubethi uyabuza engaqonde udlame. Mayuyu bo. Siyizingwazi kodwa umkhonto awugwazi ekhaya bo!

Ncadenani Bantu Abahle bantu Abalembeko! Nsukuzonke nxa ngibheka kwi home page yale Inkundla ngiyajabulela ukufunda isaga salelo langa. Ezinye ngiyazazi ezinye lami ziyangeqa. Esanamuhla ngiyasiqala. Sithi "ukubabaza yikwazi" Enga ekhona onganginceda ngencgazelo?

Isala kutshelwa sibona ngo mopho

Nobesuthu!
Hk kh kh wena vele hayi ah. Ngicela indcazelo wena ungipha esakho!

Bafowethu.

UKUBABAZA YIKWAZI: ngizazama bakwethu.
Ukubabaza yikudumisa, ukubonga, ukuncoma, loba ukubonga (ukuthakazela). Ukubabaza yikwazisa njalo.

Ngendlela esibekwe ngayo lesi saga, sitsho ukuthi awungeke usukele into ongayaziyo uyidumise. Ngeke usukele into ongayaziyo uyincome. Hawu bantu beNkosi. Kambe ngingathi abako Ngcamane ngingabazi ngithi ngizazitshaya zonke izithakazelo zakwabo??? Kungaba nzima. Ngingakubonga njani ngingakwazi???

Ukwazisa (to admire). Kumele Khazi Mabila izenzo zakho ngibe zazi ukwenzela ukuthi ngikwazise ebantwini. Kambe ngingezwakala ngisithi uMabila muhle lapha lalaphaya, kumbe muhle kulokhu la lokhuya mina ngingakaze ngikubone kumbe ngikuzwe usenza lezo zinto???

Yikho kuthiwa UKUBABAZA YIKWAZI.

Bazangincedisa abanye. Lumnandi ulimi lwethu.

Li Zwangendaba.

Taboka mngci cross bhayibhila Khazi!

Lumnandi lujulile bantu!

Bakwethu.
Gcwalisani isigungu ngezaga, sifunde!

Mina esami.

Umtwentwe uhlaba usamila: Sitsho ukuthi isimi somuntu sivela esese mncane esakhula.

Ngiyavuma lami Dokotela. Umuntu izenzo zakhe esemdala zivela esemncane. Abadala balethuba lokunanzelela benqabele umntwana esemncane. Ungavele uhlabe umthwentwe okunengi akusaguquleki emuntwini. " You cannot teach an old dog new tricks"

Kodwa wona uvele uyini othiwa ngumthwentwe?
Angiqondisisi ke lapho. Kusameva? kuzasinama? Kuyini?


Esamamuhla ke?
Akulakhuba/Ndima Yaswela umlimi

Kanti ekaMthwakazi iswela njani abalimi indima?

Mthwakazi!

Imbuzi imhlophe? Ngiyasiqala mina lesi...sitshoni?

Dade,

Ngicabangela ukuthi kutsho ukuthi indlela ivulekile. Imbuzi emhlophe ihlola okuhle.

.........as clear as a crystal ball?

Esanamhlanje ke Bafowabo..

"Selilanda' abalimi ilanga"

bafowethu.

SELILANDA ABALIMI: Abadala babelonda unyaka. Bethi nxa kuyisikhathi sebusika, bananzelele ukuthi ilanga lilokhu litsheda lifinyelele ngeningizimu. Kuthi nxa isikhudumezi sesiqakama ngansuku ngansuku, bazi ukuthi ubusika sebuzaphela. Yiso isikhathi lapho abantu babeqala khona ukuya emadlelweni besiyahlola umumo wenkomo. Ezimithiyo lezalukazi zikhethwa, inkabi lamajongosi kubuthwa ukwenzela ukuthi baphange bazithambise isikhathi sokulima singakafiki.

Wawuthola abakhutheleyo sebebiya, ukwenzela ukuthi imbuzi zihle zikhohlwe ngokudlalela kuleyo nsimu.

UKUPHELA KWEBUSIKA YIKHO ABATHI, ILANGA SELILANDA ABALIMI.

Lesi saga siyasetshenziswa njalo ukutsho ukuthi selisiyatshona. Umlimi phela akaphumuli lingakatshoni. Angakhulula inkomo, yena usala elokhu ethintitha uqethu abafana sebeyekwelusa. Ubone ubaba elokhu ebhoda ngothango evala izikhala ezivulwa zimbuzi. Aze aphumule ngokutshona kwelanga. Umama ngekhaya uyabe elokhu elonda ukuya kwelanga. "Hawu, gijimani zintombi libase umlilo, selilanda abalimi." Sekumele kuphekwe esantambama ngoba obaba sebezabuya.

Ngicela uncedo.

Li Zwangendaba.

heyi bakithi Khazi kwaze kwamnandi! Ngiyabonga. Bekumnyama tsu kimi nge saga lesi qotho Lakusasa eZwangendaba.

kulesaga esesingibalekela kodwa ngazi isiqephu sakhona. Akelisize lingigcwalisele sona.

Aku........ lingelasichi. (sengibhudule ingqondo ngaswela bakwethu.) Ngiyazi sikhuluma ngokuthi akula muntu ogcweleyo, ongelabubi obuthize.

Aku geza lingelasici?

Akusoka lingela sici.

Izaga bathandekayo zivame ukwehluka kwi zisho,asokuhlukanisa lokho njalo masihlaziya injula yolimi- isaga asiguquleki ngokwenkathi, ubuningi nokunye. Ukungaguquleka, akusesiso isaga. Impawu zesisho ngu-uku kanye nokuguquguquka kwenkathi nobuningi ngokunjalo.

Aku KHOCA lingela sici

Thank you Mkhaya.

Bafowethu.

Lapha selingilahla. Sengisele emuva uqobo. Angisezwa ukuthi kuxoxwani. MHLASIMBE it is not meant for the likes of me.

DO NOT LEAVE ME BEHIND BAFOWETHU.

Li Zwangendaba.

Mthwakazi!

"Ayoze Akukhithikele Amanhlamvu"
Ngiyasiqala lesi saga. Ngicela ingcazelo kosaziyo.

Bafowethu.

"OZE AKUKHITHIKELE AMAHLAMVU"

Isihlahla esilamahlamvu singumthunzi. Umuntu ohleli kahle bathi usemthunzini. Ikakhulu nxa abantu besola imhlalakahle yakho, uzwa bethi, "Use mthunzini, abanye besitsha elangeni." Laye loyo ohleli emthunzini, ngumuntu othanda ukuzibonakalisa ngempilo ayiphilayo. Kube buhlungu ke ebantwini ukuthi uphila ngobuqili, abuye agabaze ngabo njalo!

Besebethi, "Oze akukhithikele amahlamvu." Buzafika lakuwe ubusika, usale ungaselawo umthunzi. Lesi saga sihambelana lalesi esithi, "Ngelinye ilanga indwangu iyalukhutha ugatsha." Hlezi ulokhu uphila ngamaqhinga, ngelinye ilanga kuyakuphelela.

Athi esekhithikile, usale usulokhu ubhoda ngesihlahla ususesaba lokuphumela egcekeni sonke sikubone.

"Oze akukhithikele amahlamvu."

Ncedani bo.

Li Zwangendaba.

Zwangendaba uzwakala uyazihwatsha sibili izaga awuthandabizi. Mina ngiyabonga kakhulu ukuchaza kwakho. It makes sense ngoba kuba le context.

"Amehlo ngamabheka Etshiya"

Ayisinto esisenza izigebengu zibhicilisane lomuntu zimqede abantu bebukele yonale? Sitshoni ke lesi Zwangendaba?

Bafowethu.

Lesi siqonde nta. "AMEHLO NGAMABHEKA ETSHIYA". Lesi saga singandlela ezimbili zisitsho into eyodwa.

1. Siyasetshenziswa nxa kulalabo (ikakhulu odade) abacunukayo nxa amajaha ebakhangela nxa besedlula. Uzwe obabakazi bekhuza bethi , "Hawu wazihlupha ngo Themba nje, ayikho nto azakwenza yona. Amehlo ngamabheka etshiya."

2. Kumbe kube lesikhathi lapho umuntu abona into ayithandayo kumbe angayenelisiyo. Uzayikhangela lento ingqondo zitshayane aswele ukuthi angenzani. Bathi abanye bakhe, "Uyithandile lento mfoka zibani?" Yena aziduduze ngokuthi, "Hayi amehlo ngamabheka etshiya".

Lokhu kutsho ukuthi amehlo akala ngozi angayenza. Loba umuntu engakunqunula uzihambela laphaya, ayikho mpumela angayithola kuwe.

Angazi kumbe ngitshiye okunye.

Li Zwangendaba.

Bafowethu.

INDLOVU KAYISINDWA UMBOKO WAYO.

Loba unzima kanjani umthwalo ka Mthwakazi, ngowethu, kawusoze usehlule.

Li Zwangendaba.

Akulahlwa mbeleko ngokufelwa !!!!


Life goez on!!!!!................

udiwo lufuze imbiza

kodwa


umfundisi kazizali

Utatara dofido insimbegavu daka
Underiyanderiya isinkwa esiloboyo

Ongafuniyo kayekele ......ofunayo"ezandleni"


Zimbi Ndaba, makushuba ak'shube.Makumnandi akujayivwe.
Iyooooooooooo

akuilima sidle bende kwaso


uthango ludla amakhomane


kwabo kwagwala akula sililo

Isisho sakithi esithi "ukwanda kwaliwa ngabathakathi", esivame ukusetshenziswa nxa umuntu ebonga okuhle akwenzelweyo noma akuphiweyo, sesaguqulwa sabasisha samiswa kanje: ukwanda kwaliwa ngabahlela imideni-family planning phela.

Kwaze kwamnandi ekhaya. Izaga, izitsho, izifenqo: iziqhathaniso, izifaniso, ukubhuqa - konke lokhu kwenza ulimi lwethu lujule. Ngubani ongakhohlwa isifaniso esithi ngidinwe njengenja engelaboya?

Elisina muva liybukwa

Yilini lelo posh hk hk hk hk ?

Ligagu Nduna mfowethu noma itshitshi. Usungazikhethela phela what suits you uyavunyelwa as long ungeke uyibambe ngekhanda inhlwa.

Hayi kabi we nsizwa, khuza umoya, nxese bo. Bengidinga ukuba ucace kuphela njengalokho osukwenzile ukuze mina labanye esisafundayo injula lokujiya kwolimi lwethu, kusasa singaweli engozini yokusebenzisa leso saga ngendlela engaqondile. Xola mnakwethu.

ITOPIC LE IYANGIKHOLISISA.INGIGOBHOZISA AMATHE INGIKHUMBUZE IZAGA EZAZINGIBULALISA NGEMBAMBO.

-INDABA INGABANKULU KAYIZEKEKI.
-IZINYO LIHLEKA U2VI.

KANTI VELE MTHWAKAZI OMUHLE OLOLIMI OLUJIYILEYO IZAGA LEZI ZOMBILI ZAVELA NGAPHI, ZAKHIWA KUTHENI KUHLAMBE NJANI,KWENZAKELENI?NCEDANI BO.INYATHI UBUZWA KWABAPHAMBILI PHELA.UKUFUNDA KAKUPHELELI.

Lenzo ezimbili Joskeyi ziyinsindabaphendule lami ngiwavule womabili kasize phela Mthwakazi olengcazelo asichazele. Lwaze lwamnandi ulimi lwethu bo!

Izinyo lihlela u*****:-

Ngibona ingani isaga lesi sitsho ukuthi kwesinye isikhathi siyahleka lezinto ezingahlekisiyo.

Indaba ingaba nkulu ayizekeki:- Ukuzeka yisenzo sesiZulu esitsho ukukhuluma, ukuxoxa mhlawumbe. Ngakho ngibona ingani kutshiwo indaba esiyingxaxi, esixake abantu okokuthi abasakwazi ukuyithetha, isiyinkinga, insindabaphenduli.

Bazaqondisa abanye.