Sibalukhulu, bangaphi o "masazaneni" lapha enkundleni? Isizwe kasakhiwe ngendlela zonke ezaziwayo ezomdabu hatshi ngamazwi kuphela.Bakhona na abafisa ukuxoxa ngezothando? Bangathola na iforum. Sisabalele kakhulu ukuthi hoping to meet anyone by chance is far from probable! Abantwana basilethela izizwe zonke lemikhathakhatha ngemakhaya kuthiwa ngomalukazana labakhwenyana! Sesizwile njalo ngokukhonjiswa ngo "whats'up". Akula sithunzi nix okuyinto kwakhona. Asifuni abo Mr labo Mrs hatshi. Lapha kufuneka osingle tu! kakhiwe uMthwakazi from the family unit!

Bafowethu.

Labo abafuna ukuthatha isithembu lithini ngabo???

Li Zwangendaba.

Ubuzelani abafowenu Zwangendaba. balani lokuthatha kwakho isithembu na? Sidinga iforamu yokuthi abafisa ukuzibika laba bikelwayo bahlangane.

Iyooo Zwangendaba! Uhamba lamasiko akithi manje. Iningi lethu sibuya ezimulini ezinkulu. Kwakukuhle kuphitizela abantwana ekhaya, omama bembalwa, ubaba eyedwa! kuvunyelwe ukubuka nje angithi laye oku diet yokwehlisa uyayangene re cafe abheke i menu loba nje engasoze afune ama chips!

Mina liyangehlula ba bafowabo! Do you ever get serious about anything or kini konke ngamandlwane nje?

Mabila kambe shuwa singathini? 'It's not personal,it is all comedy' batsho kanjalo ku Def Jam Comedy shows kini khonale eMelika. Singaba too serious ngempilo, singawela phansi nge stress.
Ngike ngabona enye imota endala emkhambo eMakokoba ibhalwe, 'ndlanokwakho usaphila'

Mabila, ngizwa bethi ngapho okhona eMelika kunzima ukubuthanisa abantu ngoba likhulu izwe lelo njalo lisabalele.

Kunjalo-nje, lingalahl' ithemba, zamani ukwenza iz'tokvel kumbe amasonto esintwini libuthane.

Skuvethe, Angizondanga sibili yikudana nje ukuthi angathi sidlala ngeSizwe nje!
Yebo ye inkulu iMelika njalo kunengi okusandelayo. Ezinye izizwe zenelisa njani? Ama Juda ayatholana...amaNdiya ayatholana...nans'indaba. Bakwenza njani bona? Singamavila! Sifuna ukwenzelwa! Imbila yaswelaumsila. Nxa sesithethwe ngama Here here langabangi futhi umsindo!

Mabila,

Into okhuluma ngayo ngiyayizwa njalo iqakathekile.I page yezokubikelana ifanele ibe khona but i think more people have to e-mail abaphathi ku-sazise page to warrant its set up.Banengi abayifunayo but without the necessry support it might not be urgent to the administrators to set it up.

Baphetheni pho labo baphathi nxa bengabali esixoxa ngakho lapha. Baphathi looooooo! Liyasizwa na? Sicela Inkundla yokuzibika?

Bafowethu.

Angidlali nxa ngikhuluma ngesithembu. Siyababona obaba abathi mina ngilowami yedwa, ebusuku behamba ngamagutukutu. Yikho lokhu okuletha umkhuhlane la ekhaya, ngoba umuntu uyafihla. Aze adle lo lonyovu ethi zinyosi.

Sizalwa ezithenjini thina, asizange sifelwe ngabazali ngendlela esifa ngayo thina. Sasikhona isizatho sokuthatha isithembu. Akusibo buhwaba qha, kumbe ukungaphucuki. Nanso impucuko leyo eyemzini yasilethela ukufa ngokuba ngo thathekile. LIQINISA LELO ESILIBONAYO SONKE. Nxa sekufiwa sebephinda besola thina abensundu bona kuyibo abalethe lo mkhuhlane.

Njalo isithembu besibumba ubuhlobo. Angitsho siyazi ukuthi kulezizatho ezenza ukuthi obaba babe balutshana. Yikho sivumeleni lathi esifuna izithembu singene kuleyo nkundla sidinge engxenye singandisa isizwe sakithi.

Mina kangila nhloni ngento engiyenzayo. Ngiyenyanya kuphela ukuthi ngithi kangikwenzi, ngithi ngihamba, ngingabona okunye ngitshibilike ikhanda lize liphose linyomuke entanyeni.

THAT IS HYPOCRICY OF THE FIRST ORDER.

Li Zwangendaba.

Bakwethu! (Hatshi Bafowethu)

Ngiyakuzwa Zwangendaba. Ngiyaswela ukuthi sikhuthana ngaphi. Mina engikucelayo likhasi lapha eNkundleni elookuthi abantu bazibike. Qha!

Sithembu or no sithembi, ngidinga ukuthi izifiso zaziswe. Nxa lami ngingelandaba lokuya esithenjini salo esengixoxe laye ngoba sizibike eNkundleni, lakho kuqondile. Angithi lami ngokwami ngiyabe sengivumile ukuya esithenjini. Kambe ukhona owake waya esithenjini ngenkani? Angikholwa. Okwesithembu is a secondary issue. Angithi lanxa ngikhomba ijaha lami elilonyawo olulodwa, kuyabe kuyikuthanda kwami? Asiqaleni sizibike selizakuthi ke lithathe izithembu zenu nxa bekhona odade abavumayo ukuya esithenjini.

Lilale.

Bafowethu.

Mayuyu. Lami lelo khasi ngiyalidinga kakhulu. Uxolo sibili bengisizwa angathi lithi abafuna isithembu kabasoke bafinyelele.

Lami ngiyabacela sibili abaphathi beNkundla balivule lelo khasi. Singathokoza kakhulu.

Ngiyancetshwa lapha!!!!!

Li Zwangendaba.

Bakwethu njalo!

Kungaba njani kambe ukuthi abalemizi yabo
badinge ikhasi lokunikana amaqhinga okuqinisa imizi ka Mthwakazi hatshi ukuyifunela amaxhakela? Sona isintu sakithi asila dynamism na? Kuhlala kunjalo kulokhu kufana lasendulo na?

Isithembu sasingesemisebenzi yasekhaya le masimini. Namuhla ngesani kambe? Asibuhwaba? Libona njani bo dade?

Uyabona Mtungwa lokho kuyabe kuliso eliqondileyo sibili ngivumelana lawe.Isizwe yisizwe ngemizi njalo ngokubonisana, ikakhulu kunsuku lezi ezimbi kangaka ezomkhuhlane lo.Kungasimhawu kuphela kodwa kubisa lobuthakathi lokuzondana phakathi kwabantwana babantu.
Kungakuhle ukuthi sizwe kulabo esebeke babalemizi kumbe abalemizi ukuthi bona bakuhambisa njani, senzele labafisa ukwakha.Nanku phela umendo awuthunyelwa gundwane kodwa ngamacebo esizawathola lapha sizakwenda sizilungiselele ukuthi esihlangana lakho sikuphathe njani.
Mina bengicela sixoxe ngendlela omamazala abaphathwa ngayo omalukazana njalo langendlela omamazala abamele baphathe ngayo omalukazana.
Njalo lokuthi umalukazana ubikela bani ngodubo ayabe ethe wahlangana lalo kumkakhe eg nxa emacansini kusehlela.....

Mabila,

Mina ngilo mfazi kodwa ngingekela njani ukukuqomisa, angithi kawula ndoda. Phela lina omama libanengi kulathi, kulapho indaba sesthembo ezisukela khona...kakusi buhwaba!

Mabila labanye

Labo abafuna ezothando (HIV/AIDS lingakhohlwa ngayo bakithi) iyani eChatroom section khanalpha eNkundleni kule live chart elingayenza yikho izithandani ezinengi ezihlangana khona njalo labangane abanengi uzabathola lapho. Sengahlangana lamajaha amanengi engangifunda lawo mina esikolweni. Hamabnini eChartroom lizayibona lapha ku-menu ngesandleni sokhohlo (left)nxa ubheke i screen sakho seNkundla.
Maningi amajaha lezintombi lapho , awu suka madoda!!! ngiyakutshela , kudabuka ibhulugwe impela. Kodwa ke, ngingahle ngitsho ukuthi nxa ulihaha elingumpondo kayintshintshwa njengami , hatshi uza sokola impela. Ma ulenhlanhla ungahle uthole izimomondiya ezimbili noma ezintathu kanti ke njalo labodade bengathola insizwa eziqine, okwesabekayo. Iyani lapho bafowethu linga cali abaphathi benkundla ngoba labo basebenzela usapho lwabo njengathi sonke. Lokhu abasenzele khona kwanele.

Kuyezwakala lokhu okutshoyo sibili kodwa phela ukwakha kwakhona akutsho ukuthi siyekele ukukhuluma ngendaba eziyizo ezidiliza yona leyo imizi esifuna ukuyakha.Phela ngamaishuzi awokuphuma kwelanga lokutshona kwalo.Kanti khona right isithembo sakhona sirongo ye lixhakela sibili kodwa sokungahle kudilike umuzi ngenxa yalokhu? Kanti khona bobaba lina elithetheyo lisolani kithi amanina enu asezindlini?
Njalo nxa sengithe ngahlangana lakho lokhu kambe lingangixwayisa lisithini.Phela amanye amanina asekhaya agcine umuzi lawo eziphethe kodwa ubaba nxa engoseNgilandi nx! Oqotho qha othi yena kala small house ulamanga amabi!Evini ovuka endlini esiya emsebenzini laye ulayo futhi! pho kuthiweni?
Lithini ke badala!

Bakwethu!

Awuboni ke Lobengula! Aluba ngiyazazi izangelo zakho aluba ngiziqambile zonke lapha. Sesizadinga leyo chartroom siye xhoxhoza khona. Yebo ye ngiyakuzwa nge AIDS, khuza bonaba abalokhu besafuna izithembu lama small house. Badlala kubi. Thina esingendanga siseselethuba lokuqala ngayo i pre-testing.

Le ekamamazala lomalukazana ibangelwa yini bobaba. Lisuka lithathe icele either elomfazi kumba elika mama wakho. Lababantu bayekeleni bacubungile bodwa abakubangayo baze bazibonele bodwa ukuthi akula lutho lokubanga. U Freud uthi ngesilingu yi "Penile Envy" asazi kumbe ngiqondile. Umama ulokhe ethanda ingane yakhe ayeyitshintsha isitshuba, kakayekeli ukuthi isuke esilugwini izibonele yodwa. Umalokazana ngeyakhe useyibambile esidukwini. Inzima lindaba. Nxa bobabili bengananzelelanga ukuthi they each have unique roles lawe ubuxhega nge preferential treatment of one over the other, uzahlala utshelwa ukuthi "It's either her or me,sengitshiya mina" Be firm with both and ubabele uthando lwabo ngemfanelo. Umama ulelakhe icele emntwaneni wakhe elingeke leneliswa ngumalukazana lokwenziwa ngumalukazana lomkhakhe sebebodwa Umama angeke akwenelise. Zindala zombili, tshiyani lina so lizabona bethandana.
Tell lo mfazi ukuthi umama wakho uyamthanda and she has to live with that and tell Mama the same.

Mande chaza futhi angikutholi kahle...uxolo sihlobo.

Malini Mthwakazi for this free advice? Yakhani ke imizi. Lami sengisiye echartroom ngiyethola isoka lami.

Bafowethu.

Mina ngizagcizelela ngithi isithembu silungile ngoba akula ofihlela omunye.

Labo odade siyababona belwisa ukuthathela abanye amadoda. akulunganga lokhu. Abanye sibezwa bethi kungcono ukuba nguMAZAKHELA kulokuya esithenjini. Angitsho konke lokhu kwenziwa yiyo leyo "canal desire".

Labo abazithi kungcono ukuba ngo "mistress", abakaqalisi ngoba they are just GLORIFIED PROSTITUTES. So nxa ungendanga ulala lalo, kusasa laloya, is there any way you can stop the AIDS disease??? Cha bo!

Singayiviki. Usiko lwenzela ukusivikela. Ngitshilo phambilini ngathi abazali bethu abazange bafe ngendlela esifa ngayo thina lamhlanje. Kulokuthi sithathe sibeke ekhaya, sibona kungcono ukuntshontsha. Mhla ungekho kuloyo "mistress" wakho, ngubani omunye ontshontshayo???

Li Zwangendaba.

Zwangendaba icebo lakho liyezwakala kimi. Kodwa baba lokho okutshoyo bekuzasiza nxa kuyikuthi igcikwane kalika sabalali, manje bheka izinto kudala zonakala. Abantu sebevele sebephela ngakho ungathatha omunye umama umlethe ekhaya kanti vele kudala konakala ngakuye. Osekusele yikuthi lize liye hlolisisa igazi. Manje bangaki abalithathayo lelo nyathelo. Uma lingakwenzanga lokho yikho ukuphela kwemuli.

Mina ngokwami ng'thanda ukubona imizi eqinileyo. Ngokho ngenxa yokuthanda ukufeza izifiso zika Zulu kangilalanga kuthange labanye omanjinela. Besiphezu komsebenzi wokwakha leyo ndawo enkundleni lapho abantu abangahlangana khona.

Asakheni imizi njengesicelo sikaMabila.

Bafowethu.

Ngiyabonga. Kodwa Lafa elihle. Owami umsebenzi uyakudinga ukuthi ngihlolwe. Njalo lami ngazimisela ukuthi kangiphongu kudobha. Nxa sengisifuna isithembu, ngizakwenza isintu, ngizaqala ngicele yena uNkosikazi ukuthi uyavuma na. Angala, ngizafela ngaphakathi okwebutho lika Dlungwana.

Li Zwangendaba.

Yeyi madoda liqiniso lelo. Umkhuhlane ubhidlangile, usabalele, isithembu ngalesi isikhathi sanamhlanje siyingozi kakhulu. Noma kungavunyelwana ukuthi akuyiwehlolwa, kodwa uma nje omunye angavele alingeke axamalaze ufaka iningi enxushunxushwini. Mina ngesingami angisigqugquzeli ngempela isithembu. Asizameni ngaphansi kwezimo ezinzima ukuthi sinikezaneni uthando olunzulu. Uma kuyikuthi isithembu sisithathiswa yikushisa kwegazi okusenza sijabulele ucansi kakhulu, asizameni ukuthi nalabo esingabe sinabo siyengamandla ocansini njalo amahlandla amaningana. Lokhu okokuthi umuntu kufanele adle inhlobonhlobo yokudla angivumelani nayo ngensuku zanamhla. Ningizwe kahle bafowethu angisho ukuthi isisthembu sibi noma sihle kodwa ngithi insuku zanamhlanje zibucayi zidinga ukuqikelela nokuqaphela.

Sibi loba sihle sona isithembo ye! Kodwa okusalayo bakithi yikuthi eqinisweni kambe bangaki obaba labomama futhi abangakaze bentshontshele? ngitsho phela ukweqa uthango umuntu ayekudla emzini?
Kambe lokhu kutsho ukuthi umuntu uyabe engasamthandi omunye wakhe? Iqiniso yikuthi isosayathi ithi kuvumelekile ukuthi ubaba abe lendlu kumbe izindlwana ezincane kumbe uMalibazisa wakhe! Mina ngithi qgokani amajazi Bo! Ikhondomu loba ezintathu! Kanti phela ingculazi le ithe iqalisa uhulumeni wamela ukutshela ontanga ukuthi yekani ezamacansini.Lokhu akusebenzanga ngoba obaba bese befuna bona oBORN FREE laba.So umkhuhlane wamemetheka.Phela ukuthi ebantwini yekani ezemacansini kunjengo kuthi yekani ukudla.

Okunye futhi okwenza into zibenzima yikuthi ubaba useGoli umama useNgilandi loba eKhanada! Nanso idaba!Phela lokhu loTHoni laye wafaka amavisa akhe abanye bethu amaphepha sangikalungisi so ubaba nxa wasala ekhaya uyabuya ngani lokhu lotshaptha 37 asilaye? Lami angekengiye ekhaya ngiyaphenduka ngani?Kambe leyo fayithfulunesi iyenzakala kuzekube nini?
akungeze kwabangcono na ukuthi sigcizele ukuthi owenelisa ukuzibamba kaqhubeka, kodwa umphakathi ongenelisiyo bakithi sebenzisa umazivikela iProtector Plus loba yona idurekisi!#
Asazi!

MADODA LABOMAMA UKUYENGANA, LIZAPHELA.

Bakwethu,

Ngiyakuzwa okukhulunywa ngu Mande. Kuliqiniso ngiphange kodwa ngithi abeqa uthango labatshonsthelayo are doing so at their own risk. Akulasiko baliqhubayo ngesenzo sonaleso. Yikuganga nje abakwenzayo. This is a matter of life and death.

Ngokubona kwami abantu abanengi bazwile ngendaba yencgulazi, izenzo ziguqukile sibili. Bakhona abalokhu belenkani. To me it is sheer recklessness on their part. Sikhonapha sonke kakho ongafelwanga ngomakhelwana, mngane, sihlobo, co-worker ngendaba yesifo esibi lesi.

Nxa sidinga ukwakha imizi asiqiniseni amasiko aqinisa isizwe hatshi adilizayo. Wonke umuntu uyenelisa ukuzibamba nxa ezimisela. Sonke silawo amandla...ngitsho lamadoda. Akulamuntu loyedwa ongakwazi ukuzibamba.OBaba sebekelelwa yisizwe, behamba belengisa inhliziyo njenge kilogo lenkomo kuthiwa kabala mandla okuzibamba? Singazideleli sizeyisa. Asizikhuzeni sonke!

Mona ngibona angani kundaba le yokwakha imizi kulezinto ezimbalwa eziqakathekileyo okumele sizinanzelele.

Yinto enhle ukuthi senelise ukutholana labanye nge chatRoom kumbe ngali Nkundla. Kodwa uzaba kwazi njani isimilo salu Jaha kumbe uNtombazana? Kulemizwa eminengi esingeze siyi thumeze ngalolu hlobo. Singa tholana lula ngalindlela, ngoba labo abase duzane, banga hlangana, bazane. Nxa bethe bathandana kuhle.

Isithembu yinto efuna ukuzimisela , ngoba kusuke kube le nzondano lobu hwaba, lokungathembeki. Bathi abadala, indlovu ayisindwa ngumboko wayo. Uzabona ukuthi kulezi nsuku, lalowo olemuli encane sokumehlula ukuthi enelise okunengi ayabe ekufisa. Yikho ke, Lo olegeje lokuthi angathatha babe banengi, uzabenelisa, njalo engafa imuli yakhe izaqhubeka iphila ngendlela enhle anga thatha isithembu. Liyazi ukuthi abesifazane banengi kulathi yikho zingazama ukwenza i '1 to 1 mapping', kuzasala odadewethu abanengi kakhulu abangendanga. Labo dadewethu, abasoze bafune ukuthi bendele ingqe kuwuphi oka mthwakazi. They would want those mthwakazians who show elements of focus in life.

Singakhuluma ngokuzibamba, kodwa uzabona ukuthi banengi abalenhliziyo ebuthakathaka. Lesikhathi sejazi, kasizuzi! Lo olegciwane enziweni, angasathathwa, kumbe angasathathi? Ukuzibamba kuqakathekile, Kodwa ngabona kusehlula, guqula impilo ophila ngayo. Khetha abangane abakwenza ulibale ngendaba zemacansini, bala lendlela ozilibazisa ngayo edinisa umzimba ethatha ithuba lokucabanga izinto zemacansini. Ma wendile kumbe uthethe, xoxa ngendaba zemacansini mhlophe lomkakho. Ibani lokukhululeka ukucebisana ngendlela elinga qinisa uthando lwenu, ngemacansini. Kuhle ukunikana amazopha, okuthi ngubani ongumphathintambo ngalelolanga. Umuzi ukhula ngecansi.

Ama long-distance relations anzima khakhulu. Into engcono yikuthi sizame ngazonke indlela ukuthi sibe lezithandwa zethu lapho esikhona. Nxa lingaka tshadi kuba lobunzima ngoba uzabuya kuwe esithi ulanda bani. Abazali bakhe bangavuma - umuntu engendanga ukuthi aye kumpintshi yakhe?

Angazi ukuthi ungawa gqoka abe mathathu amajazi, ungezwa lokuthi unjani umkhathi. Kungcono wekele lokuvele uzame ukwenza ukuganga. Impilo singayi faki kuProtector, siyifakeni kuNkulunkulu umnini wayo.

Bakwethu,

Lapha ngithanda ukuthi loba amajaha esintwini bethiwa ngompondo kayitshintshwa lokho kulula ukukuqondisa.Mina mpela ngithethe esintwini kuhle kunjeya but into esingikhuba yikuba-lazy and stubbornness osekukhona lapha ekhaya obekungekho before.Umkami kasaziphathi ngendlela engambona eyiyo yona ngimqomisa emuhle ezithanda loba zonke impahla lamafutha including awami ekhona eduze.

Lokhu kuyabonisa majaha lezintombi ukuthi umendo awuthunyelwa gundwane.Intombi zesintwini zilokunye ukuba-reserved okudiliza umuzi,azisukumeli phezulu entweni zothando especially nxa ijaha lingelesintwini.Lokhu kuyadanisa kwenza amehlo aqale ukubheka ngaphandle ngoba lapha ekhaya into yonke isi-monotonous.Maybe I should say this is a personal experince.

Kuthiwani ke nxa kunje?

Sthutha,

Ungakhangeli ukuthi owangakwakho akuphekele, akhangele ikhaya, abheke labantwana abuye azi combe laye njengentombi sonke iskhathi.

Ukuba ngumama womuzi kuthatha isikhathi lamandla amanengi kakhulu okokuthi lokhu okokuzicomba kucina kungase qakathekile.

Kodwa into enkulu yikuthi ukhulume laye umama lizame ukuzwisisana ukuthi lingali khwezela kanjani ilangabi eselicisha.

Mbodlomani!

KUTHIWA lina obaba besintwini yini elibhowayo. Alibadlalisi omama. You are too serious nxa sekuyiwa emacansini. Bathi lina limelela ukuthi liqale licime isibane sase ndlini yokulala, beselidumela omama. Yikho na?

Our language is the most romantic. Sedlula lesilungu khatshana. Let us use it to enhance our relationships.

Liyasitshiya ebhoreni, enhlokweni,lendaweni ezinengi lapho elikholisa khona liyini lodwa. Kule syndrome entsha ye male bonding echitha imizi okumangalisayo. Likholisa kakhulu ngaphandle kwangekhaya labanye obaba at the expense of your families. Selifika ngekhaya umfazi labantwana are now strangers, awusela ngxoxo labo.Ufika ugogodlela iphephendaba uze ubale wonke ama classified ads! Umntwana angathi "Baba", uphose umkhahlale awele khatshana le.
Let us re-examine irole kaBaba ngekhaya. What is it?

Mabila

Hatshi dade, imibono yakho ngiyayihlonipha njalo ikhomba ulwazi lwakho ikakhulu kwezemacansini. Kodwa ke uthini ngesikhalo somfowethu uSthutha? Akuphawule phela Mabila. Ngingatsho ngempela ukuthi uzwakala ujulile kulezi ezothando. Siyabonga dadewethu.

Asixoxeni kuhle bantu. Lobengula usungibone ngaphi ukuthi ngithanda ezamacansi? Usulibonile iqiniso Mbodlomani.Sonke siba judgemental for no good reason.Nxa omunye esithi azizameni itshomoliya namuhla, usesolelwani? Ngiqambe nje ibala zwi enkundleni, sengingumthandi wamacasi. Asekeleni ukuba judgemental zizame ukuhlela. Ngizaliphendula lonke ngokuqgceleyo mbayi,bayi. Bengicela nje ukuthi sixoxe songatshongo ukuthi ubani unje lobani onje!

Zihlobo!

Njengo kutsho kwami "Umuzi wakhiwa ngecansi, njalo ukhula ngalo", Siza nanzelela ukuthi emzini okungela cansi khona, kumbe ko "Hloka kali gamuli" kuhlezi kuloku donselana, ukungathembeki loku hwabhelana lo kulwa. Siyazi ukuthi yona induku ayakhi muzi, kodwa iyawu qondisa. Lalo icansi lenza impilakahle kulowo olizuza ngezikhathi esifaneleyo.

Ngake ngakuzwa ukuthi, endulo indaba zamacansi zazivele zinga thintwa nje sonk' isikhathi. UMabila uqinisile. Icansi yindawo ehloniphekayo. Yikho lokhu kusobala ekuthini ubaba kwakumele acime isibane, ukuze isitho sakhe singabi segcekeni emehlweni kowesifazane. Abesesithi kumkakhe "Ngicela ukuku hlupha kancane naka mntwana!".

Kulez' insuku sokusiba lomehluko ngoba amadoda amanengi ikakhulu intanga yethu, athanda ukuthi umama abekwazi ukuthi kuyasetshenzwa laph' ekhaya. Uyabe ufuna atsho lezi bongo zakho zonke.

Ma luNtombazana ekwazi ukuthi usebenzisa indlela zendulo, engabona usufuna izitayila, uzabona angani, usu vuku bhova, kumbe usufeba. Kujwayelekile njalo ukuthi, intombi zesintwini azi kuncedisi wena baba kundaba zamacansi, baphonguthi tii sasaka.

Indlela yoku qeda inkinga lezi, yikuthi ma livele lisathandana, lingaka tshadi. Kumele lithole isikhathi sokuxoxa ngelikufisayo kundaba zamacansi, kube lula ukutshela omunye wakho ukuthi, uledlabuzane elesabekayo, njalo ufuna iz' stayila ezitshiyeneyo.

Ngivumelana lo' Sthutha kundaba zobuvila lokunye akuqambileyo, loba ngingaka thathi. Ngibone kubafowethu. Lokhu kufuna lixoxe, ukuveze sobala ukuthi, indlela aseziphatha ngayo, ingaw' chith' umuzi. Ngilu sizi mfowethu Sthutha, kuzalunga, bekezela.

Bakwethu, inzimanyana le ndaba yema cansini. Makholwa thandazani kuthi bama siko, nithethele ukuze isizwe singadiliki!

Mina ngike ngajola lo dade obe tshadiwe and satshova yaba yi 5 iminyaka sinjalo, waze wangala yena ethi selujula uthando engeke ahlukane lo myeni wakhe.

Ngangithi ngibuza ukuthi why ejola nami, athi yena kungoba ufuna okwehlukile hatshi okujwayelekile akuthola ku myeni wakhe. Nxa sasi phekana thina, ubethola okumshukumisa umzimba ngendlela ezehlukile kula nxa kuyi soka lakhe.

Ngakho-ke, kuyenzeka ukuthi abantu abahloniphekile bayathanda owangaphandle kwe khaya kungasoke kuchitheke gazi! Yebo kulo mkhuhlane kodwa bakhona abathandanayo kube mnandi kunjeya.

Kanti Saduva y'ni ngawe ulala abafazi babantu? Yeyeni madoda ngifungu batayi!

Yebo khona kuyenzakala. Ah! futhi bakithi!

Kodwa kasiqapheleni isibungu bakwethu.

Ubunandi ngobemizuzu nje kodwa ukufa kuyasitshudula bakwethu!

Saduva,
Lokho ke yikusetshenziswa ngumfazi sibili. Lakithi bayakwenza laba omama ukuthi basisebenzise, ikakhulu nxa wena usase lisoka elingakathathi. Kambe kuyabe kungasikuchithela isikhathi lokho. Ngoba uyabe usulibele lokudinga owakho ongamthatha ngenxa kamasgogo lo owendileyo.

Okwemimyaka emihlanu aze akwale santando yakhe! Angithi aluba ubuyinotmbi yena engu baba, ubeza kwala etshiye ekumithisile njengalokhu esikubona kusenzakala nsuku zonke!

Bakwethu!
Alilweqi nje uthango! Izakwakhiwa ithiweni pho imizi kunje kuyingxabanxoza? Saduva lo, kwakuyikuthandana lokhu kumbe kwakuyigula umkhuhlane wenyama zenu lobabili lomama lo? Luyabe lulu thando lonalolu? Kanti vele kutshoni ukuthanda umuntu kengibuze? Nxa litshadiswa lithiwa seliyinyamanye kutshoni? Wena usuthatha inyama yomunye ubaba unika abanye. Is that not betrayal? Lafa elihle! Angithi yiwo umuzi wonalo!

Dokotela konke okudalwe nguNkulunkulu kuhle. Kuthiwa wathi esemdalile umuntu wathi "Kuhle". Lokhu osekudlelwa emnyameni abanye bengakubonanga kuyini? Kambe ukudla ulutho ongalubonanga kutshengisa inhlonipho? Vele kufihlwani abantu sebe nyamanye? Angifuni ukuthi ngiqale ukubona any part of umkami's body esesebhokisini izalukazi sezisithi "valelisa indoda yakho mantanami" Ngizabakwazi njani ukuthi nguye sibili nxa ngingakaze ngimbone? Okuyimvelo kuhle nxa kudliwa ngemfanelo. Imvelo kayivele!

Angazi kumbe yithi kumbe yisintu okunika ezamacansi i negative connotation. Yikho abantu bengakholisi ngemfanelo becima izibane. Asikhululekeni sonke siqhube imvelo. Omama laba abalala bathi tasa lami ngiyabaqala. Ubuvila bukhona sibili kodwa lobu????? Ngiyasola!
Communicate labo phela libatshele okuswelakalayo. Kanti emacansini lakho angithi kumele kuxoxwe. Angithi siyavumelana ukuthi kulapho owakhiwa khona umuzi. Awakhiwe langomlomo. Nxa ikhona edonsela ezinye emuva, kayiqondiswe ize ingene ejogweni. Akulalutho olu automatic ngamacansi. Kulapho esehlukana khona lenyamazana njengabantu. Akula otshova nge battery. Kuyelulekwana, kuyaqondiswana, kuyafundiswana ngudingwa njalo kuyakhiwa!

enkudleni

ngiyilokhu ngilandela lendaba ngeso elibukhali. sengize ngibambe owangaphansi ukubona ukuthi uMabila ubila kangaka. kodwa ke angigxeki lutho ngalokho.

saduva, duva ndonda. impilo ivele injalo. labomama kumele bazi ukuthi mangabe umfazi engasaziphathi ngemfanelo indonda isuka iphosilihlo ngaphandle.

baqala ukuvuka mangabe sebebona icompetition. yikho kufanele ukuthi amadoda azizwayo athathe isithembo.

Wise words Mabila. Sengokhekile ngensini. lingixolele!

Ekuhle enkundleni!

Bafowethu!, Asekeleni ukufohla uthango! Yinto embi kakhulu.

Saduva mfowethu... Indaba le oy' tshoyo inzima ngoba, uyabe utheza olulenkume. Ma engumkakho lumfazi, osuthiswa ngeny' indoda, ungezwa njani?Uyazi yini ukuthi, noma wathi umkakhe kamsuthisi emancansini, kungabe kunga siqiniso, kuyi buhwaba lokuthi nje akujabulise ukuthi ube lama dlabuzane?

Mabila. Yinto ebijwayelekile, engibona angani yavela endulo, ukuthi kufihlwe izitho, ikakhulu ezika baba. uyazi lawe ukuthi esintwini sethu, ngeze uthole abantu bexoxa ngendaba zemacansini bebanengi mgceke. Lokhu kwenza ukuthi indaba zemacansini kube zindaba ezifihlekileyo. Lase ndlini, akuxoxwa ngazo. Akukubi ukufihla isitho, kodwa lo ofisa ukusiveza, wenza kuhle kakhulu.

Omama laba abathi, tasa, yibo abanengi. Uyamuzwa ekubuza ukuthi "Usuqedile na?" ekhangele eceleni, ekhohliwe. Ngezwa lami, besitsho abafowethu labangane, ngizaz' bonela isikhathi singafika.

Ngibona umlandu omkhulu, ukubo baba. Ngoba yibo abeqa uthango. Njalo yibo okumele bafake umthetho omkhulu we cansi. Kumele omama labo babekwazi ukuthi amadoda are more physical than emotional, basebenze kakhulu ukuthi umuzi uhlale utshisa, likhal' icansi kuvuth' umlilo.

Bakwethu!

Dokotela sengilesithuli ngomama laba abathi tasa. Sikhuluma ngalaba ababhadalwayo na? Laba phela bajahe imali, wena ubususifa uthsaya iforce *distance udlalisa amandla. Nxa bengayisibo laba yini bengabizelwa obabakazi bacetshelwe? Akulunganga lokhu. Silawo ama support system ezimuli esintwini sethu. Kavuselelwe nxa engasasebenzi.

Mhlawumbe omama bathi tasa ngoba kubaba kukhona okuswelakalayo? Enguye sibili kambe ukhona ongathi tasa? Ngendlela engizwa lizibula ngayo ngobungcitshi benu ikakhulu abotshwala, ukhona umama ongathi tasa? Chasisani kuhle indaba yenu le ayizwakali.

Hlabiso ngakuphendula ngendaba yakho kamamazala lo malukazana awusatshongo ukuthi wasuthiseka kumbe hatshi.Phendula phela!

USthutha kabisele ngakibo bayelaya kakutsha.Ama vila akhona ayaziwa kodwa akumelanga abukelwe. Amanengi alomlomo futhi ayaxabanisa lasemzini lapho endele khona. Uyabe evele esaziwa langakibo. Kabuyele ayelaywa lowo. Akulanto eyangisayo esifazaneni njengokubiselwa kwenu ukuya laywa futhi ikakhulu for ubuvila! Kakwakhiwe hatshi ukulenga!

S'thutha, mazibuye inkomo zika baba mfowethu nxa esengasaphathi kuhle ikhaya lakhe umama.

Mazibuye!

Kengibuze!

Kwezamacansi lapha basafundiswa yini kulezi nsuku amantombazana ukuthi baphathe njani indoda zabo emancansi? Nxa bengasafundiswa kambe yikho besithi 'tasa' njengokutsho kukaDokotela?

Mhlawumbe njalo sebezifundela ngokubuka imifanekis' obhunyunyu(porno) ezighxingin'imfanekiso(tv).

Chairman!

Akusela mfundiso sibili nxazombili. Nxa ikhona it is very erratic and accidental. Kuyafana langakubo baba. Sibona obhudi behamba ezitaladeni ko Bulawayo bephuhlile. Yinto bani enjalo? Angithi amajaha ayephumputha izifuba zibe yimpama. Kuswelakala imvuselelo yobuntu bethu emangalisayo kundawo zonke. Khona ukuqwaqwaza kwaziwa nguba?

Ngike ngavakatshela umngane wami oliXhosa ngafica abantwana bakhe bedlala bephethe imiqwayi emini libalele emzini we Borrowdale eHalale. I was really impressed ngoba ubaba wala majaha wayezimisele ukuthi lababantwana beqhube isintu sabo.

Lina lisese labo na omalume kumbe obabakazi nxa kukhona okulidubayo emacansini kumbe lani likutshayi'ndiva lithi kuzalunga?

Mabila

Uyitshaya ekhanda indaba le. Njengoba usitsho nje kulezinsuku kwenzakala ngengozi hatshi njengakudala lapho kwakungumlandu wabomalume kumbe okhulu ukufundisa olutsha ngezobudoda.

Kulezi insuku sekukondoda zibonele.

Bakwethu,

Enye into kundaba zokufunda ngendlela iziphathisayo ekuhlaleni kuhle yikuthi abantu abanengi sesingomina mina,sesibona engani ngokufunda abanye esesikwenzile langemisebenzi esiyenzayo akula esingakufunda ebadaleni-omalume labo anti.This is a tragedy.

Uzwa umuntu ethi kuyini angangitshela khona engingakwaziyo,kumbe uzwe kuthiwa ngokwakudala lokho.Pho umuntu nxa usulabantwana laye ukuchitha umuzi yikuwonelo abantwabakho njalo ukuhlalale bona yikupika usemzini wakho.Mina ngibona engani omama abanengi vele abesintwini ukwenda is the ultimate thing kubo.Ubumnandi lokukhwezela uthando obekukhona ngesikhathi engakatshadi kuhle kuphele,ukufunda kwabanye ukuthi izinto zenziwa njani lokuthi indoda iziqhenya ngomfazi onjani abazihluphi ngakho lokho.Abanengi sebethemba nje khona lokho ukuthi uyabe usesaba i-AIDS yikho ungeke ufohlafohle.Njalo nje lokho yikuthemba ize sometimes.Abafazi bafuna i-competition from other women,that is when you see the best of them nxa umuntu esazi ukuthi I might lose out.I-Complacency thina esithetheyo does not survive in competition.However whether this competition is okay for married man and women I dont know?but somehow it works.

Enye into engiyinanzelelayo yikuthi osisi abalama-qualities okuba ngabafazi bokuthatha yibo abangayendanga abanengi.How come is that?Ama-mismatches esengiwabonile kuma-married couples are puzzling.Aluba akuyisuye u-Mabila yedwa lapha ngabayatsho labo osisi ukuthi why ezinye izinto zinje.

Uke watsho phambilini Mabila ukuthi obaba baconcerntater too much kumapeers abo ngaphandle komuzi but uyazi of all amajita athetheyo engiba lawo ema-pub,ebholeni lokunye okunjalo uzwa umuntu eziqhenya ngomuzi wakhe langomkakhe laloba kusaziwa ukuthi ngumuzi kungela muzi kumbe ngumfazi kungela mfazi.Ukuzimisela kwamadoda nxa esethatha kuphelele njalo uyazama konke okwenelisekayo ukumphatha njengowakho umntwana wabantu but uthole kungela -reciprocal for your effort or uthole umuntu ese execta ukuthi ngenya yokuthi wake wenza lokhu threfore kufanele kubenjalo.

Ngiyafisa ukuthi aluba osisi besintwini bayazi ukuthi amajaha esintwini abathanda njani benze lokho okukhangelewe ukuthi bakwenze aluba abanjengami abakhononi kangaka.

Sthutha

Ukwenzelani ukuya tshela abangene bakho e-pub ukuthi uyangithanda ungazitshela mina umnikazi wothando lolo? Mhlawumbe kungangincibilikisa ukuzwa kuvela kowakho umlomo ukuthi uyangithanda. Phela lina lithi umfazi ungamtshela ukuthi uyamthanda uyakwejwayela kubi. Kalibuki zambatho, kalibuku nwele liphongubheka nje! Kini umfazi kumele ahatanyiswe kuphela. "Naka zibani kungaphi ukuthi lokuthi kwami?" Ayisikho? Akelisithande okudirect hawu!


Sinanzelele futhi khakhulu ngasebantwaneni. Research has shown ukuthi abantwana brought up in families where there is continuous strife betwen parents are more likely to be traumatised than abantwana brought up by seperate but happy parents. Angitsho ukuthi xotshani abafazi benu hatshi...zamani ukuthola amasolutions masinyane abantwana kungakaboni. Usuzapikela ke leyo AIDS shuwa. Awusazihlaleli? Ukupika kunzima bakwethu...

Alila monopoly yoku offer icompetition to your wives by engaging in extra-marital affairs. Futhi liyangihlekisa shuwa. Wonk' umuntu can. Akula yona ievidence leyodwa! Ngubani ozaveza ukuthi mina ngikengathi phetshe? Nix! Akula lokubhaliweyo. Bazalininka i run for your malobolo omama. U Saduva angithi ufakazile? Gcinani imizi yenu kuhle.

Omunye ukhale ngokuthi uMabila nguye yedwa owesifazana ophendulana lani. Angithi abafazi so alibavumeli lokuya ekhompuyutheni? Yekela ngizikholisele, mhlawumbe lami bazangalisa!

akekho umama ongavunyezwe ukuya esgxingini. Uhlupho yibo omama abalesikhwele lesgxingi. sihlala sitshelwa ukuthi kakusuke esgxingini yeye kwatsha maqatha kwasal umsobho! OMama balomhawu lesikhwele uma ukholisa kumbe uthakazelela ezinye izinto ezingasi bona!

Mthwakazi Omuhle!

Mabila, uke watsho ukuthi amadoda, asuke athathe isikhathi kakhulu lempintshi zabo. Lokhu ngibona angani kwenziwa yikuthi endlini kuyabe soku ngesemnandi njenga semajideni. Uma endlini kumnandi, indoda ingabaleka lemsebenzini ilanda umfazi wayo. Amantobazana esintwini, amanengi a letshiki, njalo uzabona ukuthi abanengi yilabo abatshiwo ngu Sthutha, ukuthi bangamavila nxa sebendile.

Angazi ukuthi siza kwenza njani, ngoba asisafundiswa ngomalume kundaba zamacansi. Sekumele sifundiswe ngabangane lama magazines senze ama experiments.

Mina angivumelani lokweqa uthango ukuze wenze icompetition kumkakho. Lokhu yikudiliza umuzi. Ngibona kungcono ukuthi ayengakibo ayelaywa kutsha ahanjiswe kuzihlobo afundiswe ngezamacansi lokuziphatha kahle. Omama laba abathi tasa, badiliza imizi yabo! Kumele bacetshiswe ukuthi indoda igcinwa ngecansi, lokuziphatha.

Into eyenza ukuthi abesifazane benga xhumi ebulenjini beNkundla yinhloni zokukhuluma ngendaba abangazijwayelanga. Yikukhuliswa kwabo, kumele siba cebise.

Kuhle ukuthi sibuke umfazi, kodwa ungatshela ukuthi uyamthanda, uyakudlalisa kubi. Kunzima ukuphila njenge 'soap opera'.