Oyisithutha laye oyisiquzi,
Ensukwini sasibenze babengamaphahla!
Kodwa inkwilimba yinkwilimba njalo ijuba lijuba.
Igundwane ligundwane njalo imbeba yimbeba.
Ukuthi "ucakile" kutsho ukuthi ucakile.
Kakutsho ukuthi uzacile.
Ukunona yikunona. Kakusikho kuzimuka.

Kube kanti esikhathini sasithi thina "Kuyafana".
Siyasithi thina "Umehluko kanti vele ungaphi?"
Konke siyasikudibanise sikuvoxe sikugige sikugiqe.
Konke lokhu siyasikuhlanganise sikuphehle...
SiyasikuXhwathise kuzekuphuthume,
Besesikubonda ndawonye,
Siphinde njalo sikusikel' eBandla.

Ongaziyo oyisiquzi uyayabuzisise njalo adingisise,
Akhangelisise abuye acubungule aze athole impendulo.
Kodwa lo oyiSithutha………mmmmmhhhh Asazi!

Oyisithutha laye oyisiquzi esingadli nswela zamuntu,
Esikhathin' esinengi sasibenze babemunye.
Kube kanti Inyanga yiNyanga,
Njalo iSangoma yiSangoma. Iqhage liqhage,
Njalo Intothoviyane yiNtothoviyane.
Ukuthi “uyazi” kutsho ukuthi uyazi,
Hatshi kakutsho ukuthi uyiNgcitshi.
Ukuthi kawazi kakutsho ukuthi uyisithutha.

Kube kanti esikhathini sasithi thina "Kuyafana".
Sasithi thina "Umehluko kanti vele ungaphi?"
Konke siyasikudibanise sikuvoxe sikugige sikugiqe.
Konke lokhu siyasikuhlanganise sikuphehle...
Besesikwekela kuXhwathe kuze kuphuthume!
Besesikubonda ndawonye, Siphinde njalo sikuphakel’ eBandla.

Oyisiquzi ongaziyo uyayabuzisise njalo adingisise,
Abuye ahlube akhethe aze ayicenge,
Asesethe njalo ayihluze, Avuthele aphinde aphephethe,
Ahlafune aphinde aqhobisise abuye akhafule,
Kumbe njalo angaginya uyayabuye aphoqoze,
Akhangelisise abuye acubungule aze athole impendulo.
Kodwa lo oyiSithutha......Osedlile......UDLICALA!

Ngakuzwa ukhalaza kwenu nina Mbizo no Lembe,nayi ke izibongo zenkosi uMzilikazi kaMashobana,kodwa nazo lezi aziphelelanga kodwa ngizoxoxa no Professor T Matshakayile-Ndlovu owu Lecturer njalo usolwazi wesiNdebele kwi Nyuvesi yase Zimbabe angisize ngazo eziphelele.
Nayi ke ingcosana engisayikhumbula,lezi zaqoqwa uKhiyaza.


Bayethe Hlabezulu
Untonga yabuy'ebusweni bukaShaka.
Utshobatshoba lingangoyis'uMashobana.
Intambo kaMntinti noSimangele
Isimangele sikaNdaba
Intambo kaMntinti noSimangele,
Abayiphothe bakhal'imvula yeminyembezi.
Ilang'eliphum'endlebeni yendlovu,
Laphum'amakhwez'abikelana.
UMkhatshwa wawoZimangele!
Okhatshwe ngezind'inyawo,
Nangezimfushazanyana.
Wal'ukudl'umlenze kwaBulawayo.
Inkubel'abayihlabe ngamnxeba.
Unkomo zavul'inqaba ngezimpondo,
Ngoba zavul'inqaba ngezimpondo,
Ngoba zavul'iNgome zahamba.
Inyang'abath'ifil'uZulu.
Kant'ithwasile;
Ithwase ngoNyakana kaMpeyana.
inkom'evele ngobus'emdibini.
Uband'abalubande balutshiy'uZulu.
Unyama yentini yawoZimangele.
UNtshwintshwi kaNoyanda kaNdaba.
Inkom'ethe isagodla yeluleka.
Unangunangu lamhl'engasuye
UMabubula kaNoyanda,
Obubulis'indlezane yenyathi
Yon'ebubulel'umunt'ingamboni ndawo,
IGeng'elidl'umuth'ewuzingeleza.
Ummang'osuk'ezansi
AnganguGas'osuk'uBombo....


Ngisazoqhubeka bakwethu!

Bengicela bantu

Ngincenga lo ongabe esakhumbula inkondlo ethi
Isililo somkhobo sengilibele ukuthi ngekabani. kodwa ileminye imigqa elandelayo

Kawathi ngenye imini ngelusile
Omunye umfazi wangibizela ikhabe
Ngalimofuza ngichelesile
Kanti kwakungamelanga ngithabe
Wangikhuza umzwangedwa ngadelela

etc etc

Ngicela osayikhumbula engifakele lana.

Ngiyabonga

MSUP! Esinye istanza i think yilesi topi
ngakhukhumala ngangangomkhomo
ngayikhafula impilo ngomlomo
ngafa ngibonga.zageleza izindlela
zisiya esililweni...................

Uyabona Talo inkondlo le ingikhumbuza insizwa ethiwa nguNqindi, eyendaweni zase Gwanda Gwanda le. Wayeyishaya linkondlo ubon ukuthi iyashaywa

Linkondlo ngisayikhumbula but isingibalekela okunye sengakukhohlwa.

Kwathi ngeny'imini ngelusile
omunye umfazi wangibizela ikhabe.
Ngalimofuza ngichelesile,
kanti kwakungafanele ngithabe.

Wangikhuza umzwangedwa, ngadelela,
kanti elokufa lalinginyenyezela.
Ngavuvuka ngangangomkhomo.
Ngayikhaful'impilo ngomlomo
Ngafa ngibonga.

Zagelez'indlela zisiy'esililweni,
Ngayiphundl'inkotha ngisiyemalindeni.
Ngalifica lihlomile inqina labathakathi
phezu kweSilozwe
lenze uphondo, ngazibona phakathi.

Umthumbi wami wangilumisa ngemfundankwelo
wathi kangifunde ukwelo, yangiluma
ngatshwabhana ulimi.
Wangibhemisa isigodo sangikhoba
ngafinyela ngangangomuthwa.

Yezingodiwo inyama yomuntu, ngephulela
isikhuni endlebeni.
Ngelanga elilandelayo beza abathakathi
besimbe inyama yomuntu owayeseleviki efile
isibol'isilikhuntu, bathi makhethase,
dlan'ukhafule.

Esiswini, layikhalela elilambileyo.
Leyonyama, ngayenza into ezilayo.
Ngayidla ngaze ngayivungula.

Basithuma ukuthi siyacathamela uDube
evela etshwaleni. wathi esibona wawakhuza
amadlozi akwabo, sacela ezinyaweni.
Yasiphunyuka ezandleni inyama yabathakathi.
Lwakhala uswazi emhlane wendoda, lwakhala,
lwakhala lwabubula.

Wena ozwa lindaba, ngeboleka indlebe zakho
ngeboleka inzinyawo zakho uyotshela
abakwethu ukuthi ngiyatsha ngithwelenzima
njengengidi ithwel'ilahle.


sengiyixhamandile oleoriginal kasifakele yona ngacina ukuyihuba ngabo92 sekukudala kanti lesese
angiselalo bengizayitshaya yonke hk hk.

Maqhama

ngiyabonga mfowethu sengizifake emgodlagodleni woza lazo.

lakusasa.

Lembe

Wena uliLembe eleqa amnye amaLembe
ngokukhalipha.

Kuyabongeka wethu

Lembe mfowethu,ngibona sengathi uyishaye khona impela lenkondlo,Isililo Somkhobo,kuhle loko

Lembe mfowethu
Sengibonile ukuthi uMaNcube wayeblayindi ngokugidlisa.Having such products its not an easy thing