Bayethe Mahlabezulu Intellectuals

Bayethe Mahlabezulu,
Mahlabezulu Bayethe,
Mahlabezulu Khumbulani,
Khumbulani Mahlabezulu,
Mahlabezulu Khothamani,
Khothamani Mahlabezulu,
Mayidliw' Inkubalo,
Inkubalo Mayidliwe.

Izolo yilamuhla,
Ilamuhla yizolo,
Izolo yikusasa,
Ikusasa yizolo.

Oh! Mighty Mthwakazi,
Khumbulani,
Izolo became our rivers of blood,
Our rivers of blood, our Mthwakaziship,
Oh! Mighty Mthwakazi lest we forget,
Our Independence became our persecution bed,
Our persecution bed our Independence,
Basigongoda libalele munye ngamunye,
Basiganyavel' izingane zakwethu zinye ngazinye,
Basicuya libalelele munye ngamunye,
Yes, our Independence our subjugation,
Yes, our subjugation our Independence,
Our Independence our Victimisation,
Yes, our Victimisation our Independence,
Mayidliw' Inkubalo Mahlabezulu,
Lest we forget the heroes of our nationhood,
Who died for being AMahlabezulu.

Mahlabezulu Khumbulani,
Our Independence became our enslavement,
Our enslavement our Independence,
Our Independence our Victimisation,
I repeat again, Our Independence our Victimisation,
Our Victimisation, Izithelo zikaZibuse Wethu.

Mahlabezulu, Khumbulani,
Mahlabezulu Thethelani,
Mayidliw' Inkubalo
Kodwa Unity can not be, when Injustice prevails,
Peace can not be, when Marginalisation prevails,
Harmony can not be, when Tribal Hegemony prevails.

Ngakho-ke Mahlabezulu,
Be the voice of Justice,
Be the voice of the Victimised,
For Unity can not be, when Injustice prevails,
Political stability can not be when Injustice prevails,
Development can not be, when marginalisation preavails,
Mahlabezulu, be the voice of the down troden,
Be the voice of the expolited,
Yes, Martin Luther King is turning in his grave,
So is Marus Garvey,
So is Oliver Thambo,
Mahlabezulu be the voice of the de-humanised,
Lets regroup the de-humanised,
Lets regroup the victimised,
Mahlabezulu lets rally and shosholoza for Justice,
For Unity can not be, when Injustice prevails.

Izolo yilamuhla,
Ilamuhla yizolo,
Izolo yikusasa,
Nyakomunye kunyakenye,
Nyakenye kunyaomunye.

Remember Almighty Mthwakazians,
Resilience is perseverence,
Perseverence is Resilience,
Resilience in motion,
Perseverence in action
Bayethe Mahlabezulu Intellectuals!!

TSHISA CHAIRMAN

Hk hk hk Tshisa intelekhtshuwali Tshemeni hk hk

Siyabonga Mbongi yali Nkundla hk

Mbongi yesizwe, siyabonga baba. Uwakhuthaze amajaha lezinsizwakazi , uzivuse amadlabuzane. Encourage particularly our youth (ontanga) to rise and shine and show the world that they can equate to any nation in both brains and brawn.

bayethe!! telling it as it is..

Mama ngadla ZHIII!
Bulala abathakathi GRRRRRRRR!eshe

hhayi sihlalo, akaze ngancoma hhayi ngoba nginomona kodwa ngenxa yobuvila bokubhala, ngiye ngincomele enhliziyweni kuphela. hhayi mtanesoka, uyibambe ngakho, besuhlanganisa ibhuku phela kuze phela sishiyele isizukulwane esizayo umphako!!ungakhohlwa ngenkondlo zothando, nazo zisemqoka kakhulu ebhukwini lakho.

hheshwa!uyazizwa wen'induku zekhehla -eeshe!!
eMthembo baba,wena Mthemb'ozithembayo
Dab'aluthethwa olithethayo
uyazibambezela,
Mzilakawulandelwa owulandelayo
uyazibambezela
wena owahlala egatsheni intombi
zaqhwebana-zanyakanyakaza imzimba.


Kuyabongeka mfethu Sheik!

Bayethe!! baba. Uyabukeka umsebenzi omuhle kangaka Bayethe!!

Yintwenhle le baba Mthembo. Bayethe!

Siyabonga mfowethu, ingathi ungaba le thamsanqa.

AKUGOBO LINGEQONDISWA
(A true story)

Zazinhlanu kuMpalakazi ngonyaka ka1984.
Lavela lathi liphuma elamhlanokho lavutha umhlolo,likhupha inhlanzi emanzini,likhweza lofudu esihlahleni.Njengensukwini ngathi mina ngivuka ngathola udadewethu esesemkulwini eseyilungisile letiye.Ngathatha incosana yamanzi ngahlikihla ngayo amehlo ngisenzele khonanje ukuthi avuleke ukuze ngiyibone kahle indlela elubhekisa esikoleni.Nganxiba iyembe yami eyayiyisibhakabhaka lebhulugwi likakhakhi okwakuyiyo belu yunifomu yesikolo sethu iSigangatsha primary school.Loba nje ngangilawo amathendafuthi engangiwathengelwe ngekhisimusi eledlule,angizihluphanga ngawo mhlanokho ngenxa yomumo womkhathi.Vele bengithe mangiphuma exhibeni ngahlangana lomama laye owayeseqonda emasimini ukuyakwethusa amawabayi,lawo ayesenza angathi kawasizweli usizi phakathi kwendlala engaka.Kepha ayisiwo wodwa amawabayi ahluphayo.lnswabanda lazo khonapho!
Masitshayisana amehlo lomama ukhangeleka samuntu olokhu ebheke ngawayizolo.
'Lizizwile na lezizimota ezidume kwaze kwasa?'
Uyabuza umama.Angikubonanga ukuqakatheka kwalombuzo,yikho ngawutshaya indiva nje.

Sesiqedile ukuyihabula itiye lamazambane sangena indledlana eqonda esikoleni.Sithi masiqansa nje siqanqabula sesibanga efusini lakoFureza ngabona ixukwana labantu abalaphaya budebuduze lendlela.Ngabona futhi ukuthi kukhona abanye esifunda labo,labantu abadala labo bakhona ngoba nanguyana ubaba kaThoko owayengumakhelwane wethu ohloniphekayo.Noma njalo nje inqgondo yami ingafuni ukukuvuma,amehlo ami wona ayakufakaza ukuthi bagonjolozelwe ngamabutho,agaxe izibhamu lamanye nje amankentshane.'Hawu wemadoda,impi yona seyadlula ngonyaka kaMpeyane? Yini ke le engiyibonayo mina kababa?' Ngazibuza ngaphakathi.

Ngingakawuqedi lalowombuzo kwezwakala ukukhwaza okwakuvelela ngakulelo xukwana.
'uyayi kuno,manyai manyai,vazukuru vemadissident' Akekho owatshela omunye,izithende zatshaya esiphundu.'arikupi madissident?'Sabuzwa.Ngalezo nsuku isitshabi kwakungasiyonto ejwayelekileyo kulesisigaba selizwe.Mina ngangike ngisizwe nje kuwayilesi.Kodwa engangikwazi yikuthi 'hanzi navamuridzi wenyere waseva bamwe vasati vaseva,kutaura kuti free kick yeHayilanga bosso'lokuthi,'Madinda Khathazile mazita kupfekerana'

Umbuzo wawubuzwe ngaphambilini wabuya waphinda njalo.Njengoba mina yimi engangimdala kulabo engangihamba labo,ngathi,'asiwabonanga'
Ubuhlungu bempama eyangitshayayo angibuzwanga,engabuzwayo ngobendlela engatshayeka ngayo phansi.
'Munoyiziva here Gukurahundi?'Umbuzo lo yiwo owasenza sayifunda ivaliwe,ngoba nalamhlanje akekho ongalaziyo leligama ulesiya sigaba selizwe.Asiyanga esikolo ngalelo langa.Sathathwa sonke sahanjiswa emzini wenye indoda eyayikade ilibutho leZipra ngesikhathi sempi yenkululeko.Sithe masifika lapho,waqalwa waqalwa wagxotshwa,wabhulwa umuntu omdala kwazwisa usizi.Wayevele sebemephule amathambo amanengi omzimba wakhe.Bamhudula bamjikela sasaka lamacimbi endlini eyayifulelwe ngotshani,bavala bakhiya.Yathi ma iqala ukubhebha lendlu ngazincweba idolo ngoba kubonakala njengephupho nje lokhu.

Zinengi izindlela zokuchasisa isimo somuntu osebunzimeni.Ungathi wayephakathi kwembokodo lelitshe,kumbe uthi wabona okwabonwa yingidi.Kodwa okwabonwa ngabantu bakulo umqolo welizwe ayikho indlela ongakubeka ngayo kubesobala.

Satshabalaliswa isizwe
Saqhinqa isililo koMthwakazi
Kepha umhlaba wathula
Andiza emoyeni amanqe
Batshona phansi emgodini weBhalagwe
abantu bakithi
Kodwa kwathulisela emhlabeni.
Babengaphi abalungisi bezinto
Ayekuphi amabhilithani azithi wona
ayizazi zasempumalanga?
Babengaphi obhululu bethu
Thina sisidla luklubhu
sidlala ukuhlupheka

Sagongodwa amakhanda
kwathiwa singabahlamuki
Kanti indikimba yendaba
yikuthi singamazwangendaba
lnkunzi yamavava ipapa,
yaguquka yaba yinvelakanci
lsikhundla sayo sathathwa
zinqgweqwe zomlomo.
lndibilitshi yabelungu
yawuswela umsebenzi
ngoba engxitshiwe amavinkili.

Nanso lenkemenkeme insindabaphendule
Amaxhegu aphenduka abafana bomzabalazo
Aphakamisa inqindi athi phambili
ngalelobandla labo.
lzalukazi zaphenduka iwomens league
Zaphakamisa izandla
zathi phambili ngaleyondoda yasemzini.
Amajaha wona aphenduka omabonabulawe
lnhlamvu zombhobho zavula indlela
phakathi kobuchopho babo.
lzintombi zona zasila ekufeni
zisiliswa yizo izigubhu zamatsheketshe
Lazo ezathathwa zadliwa ngodlame.
Bayadela lapho abakhona labaya bafo
lngathi inkosi ingababusisa
Ngoba yona ixolela abonayo
ngoba bengazi abakwenzayo.

Kodwa ngithi uMthwakazi
kadlungwane kandaba uyaziwa
uyaziwa ngobuqhawe obulotshiweyo embalini
kodwa kaziwa ngokuthathela enyaweni
Ebalekela imota zomrambat.s.wina
Yikho ngithi mina vukani Mahlabezulu
Vukani libheke isikhathi sewashi
lkuphi imbizo namhlanje?
Ma igazi lisageleza emithanjeni yethu
Ayisukume iwubamb'umthetho
Okugobileyo akuqondiswe ngoba akugobo lingaqondiswe.

!

MNINI........Ngithemba esikolo umbalisi ubethi uhlala ukopa imnandi indaba lenkondlo yakho KODWA IYANGITSHAYA NGIFIKELWA LULAKA.

MNINNIMUZI
Ngicela usho baba, nguwena na obhale lenkondlo le true story le engaphezulu?

SIBAMBAMAHAWU
Yimina sibali sami engiyibhalileyo lendaba.Absolutely no plagiarism.lts actually an extract from a book lam writing about my true life experiencies.l will send you a copy sbali once l conclude it,ie if you want it.But its still a long way to go.

mninimuzi

phendula uSibamba

omunye njalo umbuzo nguwe na uEzekiel S Hleza awaloba ingwalo lezindatshana ezibalisa o, Uyangisinda lumhlaba labo U Umfula wezinyembezi Uyangisinda lumhlaba mfula wezinyembezi within Gwanda settings?

you are a hero mfowethu. ungaphendula imibuzo engaphezulu kumele sihlaziye lindatshana lenkondlo.

Mninimuzi
Kuyabongeka baba muhle lomsebenzi owenzayo, angifekethi uma ngithi lolugwalo lwakho luzahlanyisa abantu. Ngingajabula uma ungangithumezela amacopy, kodwa into engikuthembisa yona yikuthi ngizoba ngomunye walabo abazoqala ukuluthenga lolo gwalo.
Kungani ungahlangani noSheik lihlanganise ugwalo lwezinkondlo zombusazwe?
Good work baba.

mninimuzi
hheshwa! mfethu,inhle-hle indlela obhala ngayo,kuyabukeka loko,okumhlophe kuwe nsizwakuzwa.

kanti lenzani lihlezi phezu kwamathalenta angaka

Talk of Passion! It is there.
Talk of ukuthukuthela. It is there.
Imumethe liNkondlo bantu!
Siyabonga Mininimuzi loba nje ngokwami, usungidabule inhliziyo

mninimuzi,

Waze wangikhumbuza insuku leziyana zokuhlupheka. Kwakunzima ngalezo nsuku. Uyaloba mfowethu njalo nje kukhanya ulalo uqgozi lokubumba lokwakha inkondlo. Nanto ke ithalenta. Kalikhule njalo livuthwe. uSibamba suggested a good idea and I hope we can link up.

Well done.

Thanks so much for the compliments bafowethu labodade.Ngiyabonga kakhulu.

BABA MTHEMBO
l feel honoured to be associated with you sir,l will be more than happy to link up with you,l know l will learn a lot from you.Umfowethu uLembe ukhulume ngokuhlaziywa kwalinkondlo yami,manje ngiyazi ukuthi ayihlaziyeki ma inje ngoba ayilabo ubunkondlo obupheleleyo.lf you get time,l give you the freedom to re arrange it ifane leyakho le ephezulu,ibe lamastanzas,rhythm,aliterations etc.Umsebenzi wethu ungahle uqale kanjalo.

Sheik Mthembo



okuhle kuyabukwa ibuhlungu kodwa ulimi lumnandi luyahlabusa.

Lonke,
Vele ugqozi luhlezi lumnamathele lo ndoda.
Ilizwe lisakhile ngabe nguye ohaya amakhosi.
it is his calling. and we love and envy him for that.
zilethe wethu!!!!!!!!!!!!!

mayihlome kaMthembo mayihlome Mninimuzi ,liyidudule bafowethu lingadinwa ,kuyobonakala lapha kucina khona ,khokhelani majaha omkhonto lingesabi sizalixansa ngane zesilo sohlanga lilibambe lingatshoni lizeliyegiya ngalezi inkondlo mhlana sithatha uzibuse wethu , 'when the Lord turned again the captivity of Zion we were like them that dream" kuzabe kunjalo bafowethu silulindile lolo suku ,when we will live our dream and we will call upon you lihalalisele uzibuse lithi halala Mthwakazi omuhle ,babathi kayibulawe, ngizwangingenwa lusinga madoda lihlabe kwazwela

THIS IS ANOTHER EXTRACT FROM MY AUTOBIOGRAPHY ENTITLED,'AKUGOBO LINGEQONDISWA'

Mhlanokho kwathi kutshaya inkathi zamahapasi eyiti kwagubuzela iyezi elimnyama bhuqe.Kuye kube ngconywana ma kungathi umkhathi ugubuzele ngamnyama amafu kube khona ukuduma kwezulu ngoba lokho kuyabekusitsho ukuthi mpilwenhle kithi sonke .Kepha kwaba ingcuphe.Kwathulisela kwathi cwaka kwangathi ilanga selibantubahle khona kusesekuseni nje.lnjalo invelo.Ma ungumuntu olamehlo lomnqondo ovulekileyo iyakutshela ukubana likuphatheleni elamhlanokho.Ngitsho kulabo abaphila impilompilo.Ngaleso sikhathi njengoba ngitshilo ngaphambilini,eyethu yayivele ingayisiyo mpilo.Kwakudliwa luklubhu.Eqinisweni wonke umuntu wayesemlilweni.Amavinkili ayengxitshiwe ukudla kuyizibunu zenyoka.Kodwa emndeni wangakithi kwakungathi kunganeno.Ubaba wathi ngemva kokukhuthwa lukhozi wathi ngibonwa yini,wabonga abaphansi,wabangumswenya.Kwabanzima okunamandla lapha ekhaya ngoba ubaba nguye owayengumlethi wesinkwa ekhishini.'Mama,ubaba kanti wabonelani laba abamasotsha eGukurahundi?',kubuza u*** umnawami oyintombazana.'Kabonelanga lutho mntanami',kuphendula umama.Pho bafuna ukumbulalelani?',wabuza njalo.'Uyihlo kunini ngimtshela ngeZAPU yakhe le,kuyini manje selihleli sengathi zintandane zakolobani'.Watsho umama inyembezi ziwohloka.Mina ngasengibundikindiki ngingaselandaba lazo izinyembezi zakhe umuntu omdala ngoba zazigeleza mihlanemihla.Kusukela ngo1984 kusiya ku1987,inyembezi zakhe zazi ngagcwalisa umfula uLimpopo aphuphume.

Kusenjalo yafika ingcwadi yami eyayivela eRegina Mundi ingazisa ukubana ngiyitholile indawo kafomu wani kulonyaka oqalayo.Nanso ke insumansumane yendaba isenzakala.Wonke umuntu wayekwazi ukuba isifiso sikababa kwakuyikuthi sonke abantwabakhe sibeyizikhwicamfundo.Owayezabhadala isikulufisi ngubani nangu ubaba yena wayeseshone ehlathini sasilwane sasendle.

Ubaba wayeyindoda elezifuyo zayo.Yikho umama wathi akumelanga kubeyinkinga ukuzuza imali yesikolo.
Savuka ngovivi lomzawami uLindani sakhupha inkabi uJamluthi esibayeni sayiqhuba silubhekise esikalini seSigangatsha sales pen.Abadala babeba ncoma lababelungu ababezibiza ngokuthi bangoMathengisa Sibili bethi bona bathenga inkomo ngentengo ethe qaqa.
Esikalini lapha lo othengayo uyabe ehleli ngaphezulu ,inkomo ziyabezingena ngaphansi kwalapho ahleli khona.Ma inkomo ingagxoba isikali yena uyamemeza intengo yayo.Nxa umnikazi evumelana laye uyathi'thenga' kodwa ma engavumelani layo intengo uthi yena'mangweni'.lmali yakhona uyinikezwa khonalapho.Umlungu uyabe ethwele isizhozhe semali.

Abadala bathi okukhulu akulamkhosi.Babengakathengi zabangaki inkomo lababelungu.Kepha bavelelwa.Mina lomzawami sasimi buqamama lalapho okuthengiselwa khona silinde elethu ithuba.Ngezwa umsinjwana weziqgi zomuntu ohambayo ngemuva kwami.Ngathi ngithi mehlo suka ngabona ujaha owayemude ebunjwe wabayingalani esiza eqonde nta kumlungu lo uMathengisa Sibili.Yeka wena.Kwabangathi liphupho nje.Wahwatsha uvolovolo lomhlobo ka akha walukhombela ngakumlungu.Wathi kayimthinte masinyazana imali yonke.Wathikaza wanqgikaza umntanomlungu.Ngokuphazima kweso waqhamuka omunye njalo omunye ujaha hlezi bahamba bonke.Wamane wadobha leli bhokisi lemali.Ukuthi ngamadizidenti ngezwa ngomzawami owangiluma indlebe.Lomlungu kukhanya ayisilona ivaka ngoba nangu laye edonsa ibhokisi lemali ephikisana lalo umfondini.Okwalandela lapho angikaze ngikubone selokhu ngathwetshulwa yingwe.Yandindiza kanye inkafulakufa ngabona inyawo zomlungu zombili zisehlukana lomzimba.Kwazise basebemhlabe ngohlamvu lwe akha abafana.Wadobha ibhokisi lemali lo omunye umfo wazihambela nje calaceleni samuntu ophuma emkulwini kanina.
Wonke uzulu owayelapho wayethe wathalala phansi enze lokhu okuthiwa yikuthatha ikhava.Mina lomzawami sasesincintisana ukutshona phansi size silingane lomhlabathi.Ukwethuka ngangethukile kodwa hatshi lokhu okwexoxo.lzigigaba lezehlakalo zakulezo nsuku zasezenze inhliziyo zethu zamila ondabulavalo.Bayithatha kanjalo ke imali yabelungu laba bafana,baginywa ngumhlaba kwangabindaba zalutho.Kakazalwa owayengabamisa ngoba babevele bengomzilakawulandelwa,amadelakufa,omabonabulawe.
Ngemva kokuthulisela okuthile nje savuka njengonogwatsha besibomvu,inyawo zatshaya esiphundu amazwane elubhekise emmangweni wekhaya.
Ngosuku olwalandelayo bangena abafana besiwerewere bengxibe amabherethi abomvu akhomba igazi..Bakithi! Umhlaba ngiyawesaba!lmpilo kaMthwakazi yaba yinto encane kakhulu.........
[TO BE CONTINUED......]

Mnini

Qhubeka phela, imnandi indaba yakho. Bangena laba bafana besiwerewere benzani...qhubeka phela, i can't wait.

mmhhh qhubeka mnewethu ngabosilambe ovaa kunzima ngizengikhumbule komyam'ubambile uyazi bahlupha laba bafana shame kwakunzima ngalezo nsuku asazi bakwethu

THIS IS ANOTHER EXTRACT FROM THE ABOVE MENTIONED BOOK,MAYBE WE CAN LEARN SOMETHING

lmpilo yakuleli kolitshi yayivele ifana leyenganekwane kaMatindane .Okwakusenzakala lapho awuze ubuye ukufumane noma kuliphi igumbi lamane omhlaba.lzimpi lamapholisa,ingqindi ngendaba zenkethabetshabi,utswala,omangumba lezinye izigigaba engingeze ngazibla ngiziqede.Eqinisweni yayilitshukela futhi inambitheka impilo yalapha,noma nje yayisuke iphange ifiphale iphele du.Eyami impilo lapha yayigoqelwa ngumutsho owodwa nje othi wona 'drink daily and pass annually'.Lomutsho kwakuyiwo umantshingelani wempilo yami lapha ekolitshini.Ukulwa labohata bezobudlwangudlwangu ngangikukhwabitha okunamandla.Kimi kwakuyilona ithuba lokuthatha ikhefu ngiphumuze umnqondo wami kwingwalongwalo ezemfundo.Ngangikuthanda ukucima intuthu yezinyembezi njalo ngangimbuka lowo ngqongqoshi owavumbulula icebo elithi ukusebenzisa isiciko sebhimu lendwangu emanzi kuyayiqeda amandla intuthu yezinyembezi.Kwakuyibuqhawe njalo ukuthola usukhwehleliswa yilentuthu esasiyibiza ngokuthi yi academic perfume'.

Sasisithi singafika isikhathi sokhetho lwabammeli be SRC ngizithole sengididizela ngicelela amavoti lowo oyabe emmele uMthwakazi ngalowo mnyaka kulelo khetho.Phela ngenxa yobulutshwane bosapo lwakithi kwakulesidingo sokubawonke umuntu avote ukuze senelise ukuthola isikhundla sikamabhalane jikelele sona esasivele sesisaziwa njengesika Mthwakazi.Odade bakithi abanengi babesaziwa ukubana indaba le yezombuso babengayiqakathekisi kangako.Yikho kwakungumsebenzi wethu thina esasisalemizimba esalemindladla ukuba sigijigijime sibhoda ngamacomplex sibancenga ukuthi bazovotela lowo owayelenjono yokusimela.

Ngomnyaka ka1995 sonke sasesikholiwe ukuthi ngokokuqala embalini yakulelokolitshi umthwakazi uzagqiziswa isicoco,kepha kanti senze iphutha ngokungabuzi elangeni.Wonke umuntu wayesazi ukuthi umfana kaKagoro,uBrian sasiyisizwe senkosi esazalelwa sakhuliselwa koNtuthuziyathunqa waphinda wafunda eGifford High khona futhi koMfazixotshindoda.Ngalokho wonke uMthwakazi wamlandela ngemuva.lphutha elenzekayo yikungadingi ukubana lomfo engaba elobudlelwane obungakanani labetshabi.Leli laba yiphutha lamaphutha.

Babeyisithupha labo ababebanga isikhundla sokubangumongameli wabafundi bakuleli kolitshi.Mangitshiya uBrian phandle ngizathi bonke nje babengabantu basemzini.
Wawusubanga emaphethelweni lumsebenzi lomfana kaKagoro ezikhokhelela kamnanjana nje mgenani lamavoti asebaliwe.Dukuduku ngokuphazima kweso,nangu omunye walaba abakhampenayo ekhwela lapha estejini emema abantu,'Comrades can you lend me your ears,l want to adamprate something to you.Please comrades lets not do something that is going to ultimately harangue our feelings.Are you comrades aware that this Kagoro bloke you rallying behind is not a munhu but just a kantangarous ixoxo? This is a taboo comrades ,never in the history of this yunivesti has an ixoxo rule us.So comrades l urge all of those who are vying for the presidential post to step aside with an immediate effect so that we remain with one person to take this monster head on.You know our enemies comrades.'
Yaqala kanjal ke lindaba eyayihlekisa kodwa ingahlekisi.Sisathi sikhathisimbe sikhala kanye laye uKagoro sezwa udletshana lamahungahunga athi wona uKagor usexotshe bonke okhampeni maneja bakhe besintwini wasala labesitshabini.Wayekwenza lokho ngoba ethi amandebele ngumhlobo ongalondwa nhlanyelo .Etsho ethi futhi benze wacina ekhutshwe isinkwa emlonyeni.Abangamazwi omprofethi ke lawo ngoba isikhundla sobumongameli sasuka sawela kuObey Mudzingwa kwathi yena uBrian wathatha esobusekeli.Kwaba ngathi katshayanga kwazwela ngamagadi amazwi akhe akuqala ngoba nanu wakuphinda phambi kwawami amehlo ukuthi amandebele kuzabanzima ukuthi axolelane lawo ngoba emvoxele ithuba lakhe ayelibiza ngokuthi a chance in a lifetime.Thina lathi samtshela ukuthi in his wisdom or lack of it, usifundise isifundo sokuthi trust nobody but fear everybody.