Ngisesengimfitshane ngangisizwa umama esithi ubaba yiyo inhloko yomuzi ,Kunga kusaqakathekiswa yini ngalezi insuku ,kumbe sesilingana sonke lami sengikwanisa ukhwaza kuzwele ,lithini ngakho

Nobesuthu ma sifaka indaba yenhloko yomuzi ngesintu esiqondileyo ubaba nguye inhloko yomuzi kodwa kulezinsuku sekulamalungelo alinganayo phakathi kukababa lo mama ngoba inengi lethu asisalandeli amasiko aqondileyo.Abantu besintwini bayathanda ukulandela amasiko eminye imihlobo yabantu belibala awabo basebelahleka bacine bengasazi ukuthi awabo amasiko athini.Owami umbono kowethu umuzi lomkami yikuthi mina ngiyinhloko yomuzi ngoba umkami kasebenzi for the past 3years mina yimi engibona ukuthi kulemali yamabills etc uma kuloluthu olungasekho endlini ubikela mina kodwa lokhu akutsho ukuthi angimhloniphi hatshi.

Lingafuni ukungi zondisa mina ngizijabulele kangaka ,ngenxa yokuthi angisebenzi wena uyasebenza ungumama wabantwana bami usufuna ukuthi ngenzelwe imithetho nguwe,hayi wena xolo lo Nobe akwenziwa njalo esintwini UBABA nguBABA ubu Doda sithi isibongo ngu DLODLO nxa kuthiwa ubaba u Dlodlo uyakwazi na ukuthi kutshiwoni UDLODLO uqobo lwakhe lokho okumenza ukuthi kuthiwe baba.

Bafowethu.

Isizwe yisizwe ngamasiko aso. Njalo umlando wezizwe uyabonisa ukuthi kulomehluko phakathi koNCINDEZELO, lokuPHIKAZA.

Umlando uyasibonisa ukuthi ngokuya kwesikhathi, lekadeni, beziguqulwa indlela ezibonakala ukuthi ziyasicindezela, kungelani ukuthi zicindezela loba lugatsha nje lwesizwe.

Ngokubona kwami, nxa sisithi asilinganeni lamaKHOSIKAZI ethu, sitsho ukuthi:
1. Bafundiswe okulingeneyo lathi kusukela ogwalweni lwakuqala, umuntu aze ame lapho ingqondo zakhe zenelisa khona.
2. Baholiswe okulingene labo baba emsebentini nxa besenza umsebenzi ofanayo.
3. Babe lelungelo lokuba le mpahla yabo ebizwa ngegama labo loba umuntu engalotsholwanga. Njalo njalo.

Kodwa nxa sesingena ngekhaya lapha, kuba lomthetho omele ubunjwe ukwenzela ukuthi umuzi ungabi buhlofuhlofu. Kumele umuntu ongena ekhaya azi ukuthi kulomuzi kulo BABA, nginga zenzisa ngizaphuma ngenduku. Sadalwa sehlukaniswa imimo yemizimba obaba labo mama ngenxa yokuthi ubulili besifazane, bulalokho obukwenelisayo okungeze kwenziwa yibulili besilisa. Kunjalo lobulili besilisa bulalokho obukwenelisayo okungeke kwenziwa ngobesifazane.

Kunjalo ke, ubulili abumele busetshenziswe ukuncindezela. Bumele bumele lowo mlandu obawumiselwa wona.

Kodwa nje okuqakathekileyo luthando. Ungamthanda omunye wakho, awusoze usibone isizatho sokusebenzisa IZINTO EZINGEKHO OSIKWENI, ukumncindezela. Laye unkosikazi uma emthanda uBABA, akasoze alubone uncindezelo olungekho.

ESIKHATHINI ESINENGI ABANTU BABONA UNCINDEZELO NGOKU LINGANISA IMIKHUBA YEZINYE IZIZWE LEYETHU.

Mina bafowethu, ukudla okuphekwe nguMAMA (Nkosikazi), ngikukholisa okwamagama. Ngiyethemba laye uyakuthakazelela ukungiphekela.

Lami nxa ngivala amasango ntambama, ngiyakuthakazelela ukuvikela uNkosikazi labantwabami ezitheni, lezilo.

Li Zwangendaba.

Zwangendaba

Ngiyajabula kakhulu ngoba ntambama nxa usuvala amasango, uvikela uNkosikazi hatshi amaKhosikazi.

Ngiyathaba ngempendulo yakho Zwangendaba, kodwa ngibona angani uthando lodwa alula mandla okuqinisa umuzi.

Umuzi kumele ube lomthetho le direction efakwa ngu baba lomama, bese kusithi ubaba abe nguye othatha amanyathelo okuthi abone ukuthu imithetho iyalandelwa. Ukuba yihloko yomuzi, akutsho ukuncindezela.

Kulabo abathi ngoba indoda ingasebenzi, isiyiphamaso - ngiyadana. Indoda yinhloko lalo ibhayibhili liyatsho.

Ungakuthatha ngendlela yesi Khristu, akuhluphi. UJesu uthi ilisoka lebandla, yikho ke asimboni njengo mcindezeli kodwa ubekile indlela yokuthi senzeni empilweni zethu ukuze siphile kuhle, njalo wasipha ukukhululeka ukuthi senze esifisa ukukwenza. "Omama, Submit to your husbands" No negotiations!

Zwangandaba

Uyishaye 'makhaleni mfowethu akukho okunye okudlula lapho.Bodade yazini ukuthi amequal rights adalwe ngumuntu yet ukuya yinhloko yomuzi kukababa kwadalwa nhuNkulunkulu.AmaEqual rights la ngawesocial life in all its spheres hayi kumarriage life.Emzini wami ngiyinhloko yomuzi kodwa emsenezini ngingaphathwa ngowesimame.Inkosikazi yami ingaba yimanager le kodwa indlini ubangunkosikazi.Emzini wami kuleDemocracy okokuthi siyaxoxa ngakhokonke sivulelani.The mistake that we do is:For Man-- we like to control every movement in the house with an iron fist to prove that ngiyiNhloko yet kumele sixoxisane ngoba imbono kamama ingabamuhle ukwedlula eyami.The other thing is we feel thretened ngamapowerful points kakosikazi then we abuse ubunhloko bethu ngokukhahlela imbono yabo.
For Women:They misinterpret Equal rights to mean we run our household 50-50 thats not so,%0-50 is for social life not emzini yenu.I assist where i have to dont force me and tell me sokungama 50-50 silingana le emgwaqweni yayi lapha emzini.Sisters treat us as inhloko yomuzi and Bafowethu let women be free to contribute in any desicion lapha ekhaya singabavaleli endlini.

For me i hate it when someone tells me its 50-50.

Bafowethu.

Mabila. Ba-Madzi, musandijalo. Nxa ngisithi u Nkosikazi, ngingathi amakhosikazi, yikuthi angikabatholi abanye. Njengo Aunti wabantwabami, ulomlandu.

Ndebele Phaqa: Yiso isintu sibili leso ositshoyo. Singakunanzelela, omunye lomunye ekwakheni umuzi ulelakhe izopho. Njalo lelo zopho alitsho ukuthi omunye uyeyiswa.

Asisivuseni isizwe sakithi. Sibathande abantwanyana laba esibaphiwa ngu Nkulu-Nkulu. Ngamaluba ethu.

Li-Zwangendaba.

kuhle ekhaya ngiyajabula ngempela sengilesikhatshana ngingena ku-Nkundla kodwa sengifunde ngento ezinengi ngesintu sakwethu.Mihle kakhulu imibono yenu bafowethu labodade njalo ngiyalikhuthaza kakhulu.Isicelo sami njengomuntu ongayanga esikolweni bengicela indaba ziphawulwe ngesintu ukwenzela ukuthi singakhutheki abanye.


Asakheni isizwe bantu abahle.

Obaba abaphendule kulesisihloko bakhanya bekhathazekile ukuthi mina ngiyinhloko yomuzi,mina ngiyaqinisa njalo ukuba ngiyinhloko kowami umuzi ngoba umkami utshona etshaye amangqe tshana kakwazi ukuthi kuyadliwa lapha ekhaya okwakhe yikwamukela kuphela ethi engamukela ahambe ayodlalisa leyo mbijana ephuza utshwala.Owami umuzi ubizwa ngesami isibongo kuthiwa ko MaSibanda hatshi koDube kuyahlala kunjalo lubaba aze aphaphame ebuthongweni bakhe akwazi ukuphandela mina labantwabami.

MaSibanda,

Bengizibamba ukuthi ngikhulume ngodaba lwakho lanxa nje bengiphethwe yikumangala okukhulu. Bengilokhe ngisola ngithi kanti vele wekelelani ukusebenza ubaba. Ngibuye ngikhumbule ukuthi kwesinye isikhathi abantu kabazenzi ngakho kawungeke ufake umbono wensolo lapha ungazi isimo somuntu lesizatho sakhe sokungayi emsebenzini. Kodwa sekusobala ukuthi ubaba ulivila. Abadala bayatsho ukuthi utshani obuleleyo buvuswa ngomlilo. Kangikusoli mina njalo ngiyakudumisa ngesineke langoku qinisela ebunzimeni okibo.

Ubuhloko emzini kabubuyi lama phambili kuphela. Kodwa kumele ukuthi ubaba abuthole ngokusebenzela, langoku vikela abantwana emzini. Kuqakathekile ukuthi aqale ngoku hlonitshwa. Hatshi ngenxa yokuthi uyindoda nje!

Hayi maSibanda ngiyezwa okutshoyo kodwa ngubaba wangakwakho kumele umhloniphe umtshengisele lothando lanxa engavukeli, kodwa ukuthi lathi esingale kothango size sibone ukuthi hayi umama nguye ophethe umuzi akwenziwa lihlazo lelo

Bakwethu!

Mina ngibona kuyisilingo esikhulu kowesifazane ukuthi ubaba angavukeli, kodwa atshone endlini eguduza! Nxa kuyikuthi ubaba uyazama esehluleka ukuthola umsebenzi okwesikhatshana nje, hatshi kuyezwakala singamxolela. Bakhona kodwa obaba asebejwayele ukutshaya amangqetshane besetshenzelwa ngo mama. Abanye bagijimisa uthswala, amadayiza lokunye okunjalo kumbe bathi bangama dealer bengaqondakali ukuthi benzani. Le cansi ngabona ulithola nzima umatshayinyoka.

Indoda must provide for his family. period. Akula debate lapho. Umama nxa esebenza uncedisa wena baba, bonga! Mina angiyifuni langa liphi ilanga i responsibility yokuba yinhloko yomuzi. Angikudalelwanga lokho and angikufuni. Kungangisinda. Inhloko kayivuke iphandele umuzi wayo. Mina ngisebenza ngoba ngiyathanda njalo sivumelene. Mhlana ngifuna ukutshayisa, lakho singavumelana ngitshayise, kodwa inhloko yomuzi ayila leyo freedom! Vukani ke madoda liqhube umango labanye liyesebenza. Kulukhuni ukuba yi ndoda atsho njalo ama Soul Brothers!

Akengilinganise bakwethu, asithi umama nguye osebenzayo lapha ekhaya, mina njengendoda ngingasebenzi ngilelungelo bani emalini yakhe? Ngivunyelwe na ukuthi ngisho ukuthi imali kumele isetshenzisweni noma kanjani?

Okwesibili angithi siyasebenza sonke, imali icontrolwa ngubani? ngumama noma ngubaba? Uma imali icontrolwa ngumama uthole ukuthi ubaba useyisigqila, akula mali ayinikezwayo eyokuzijabulisa namaye amadoda, kuthiwani ngalokhu, noma kuthi nalapho ayinikeziwe kufunwe ukwaziwa ukuthi uyisebenziseni?

Okwesithathu asithi lomama obesebenza umsebenzi usumphelele kodwa indoda isiye yawuthola umsebenzi kodwa kukanti umama ngesikhathi indoda ibe ingasebenzi nguye obephethe ngezezimali, iphathwa ithiweni indaba enjena?

Lastly how transparent should a man be ngemali kumama? Phela kunsuku zanamuhla inhloko yomuzi bathi yimali, onemali phakathi kwababili uyabusa, kunjalo nje imizi eminingi ichithwa yiyo lemali ngoba laba ababili abathi bayathandana bengazi ukuthi imali kufanele bayi-maneje (manage) njani.