Sike saxoxa ngemibala yezinkomo. Bekujwayelikile ukuthi amabizo azo ahambelane limibala yazo. Kumbe njalo litsho ukuthi ibizo leli liphiwa inkomo enjani.

uVethifuthi - yinkabi elijoli
uBhantomu - yonkabi eyintusi
uWasakazi - yinkomokazi eliwaba

Ezinye zaziphiwa amabizo ngezenzo zazo. Ngakithi yayikhoni okwakuthiwa nguMazigqaja. Yayingalali edakeni. Yiyifohla ivuke ilele phandle.

Akesikhumbuzaneni. Ngakwenu zazithiwani

Sengangidane nxa ngizwa umuntu ebiza inkomo utkuthi nguLondani kumbe africa.

Manje kuzamele uchaze lengcazelo zakho lapha Hitshi!

Kengibuze ,kanti iBhidi kumbe iBhidikazi yinkomo elombala onjani njanlo kuyini okwenza lombala kumbe umhlobo wathandeka .

IBHIDI, yikomo ebomvu elamabala amnyama. Amabala amnyama la mancane njalo ande ukuba umzimba wonke. Izinja lazo zilawo lumbala, kodwa inja sibiza sithi iyinumgu.

Umbala lo wawungekho ezinkomeni zakwaZulu. Yikho uTshaka wathumela amabutho ukuthi bayehlasela abeSuthu bathumbe lezi inkomo. Amabutho akwaZulu ehluleka kabili, uTshaka wasethumela uMzilikazi. Wafika wazithumba okamaTshobana, wasezitshiya egangeni kaze azisa kuTshaka.

Yizo obabamkhulu ababaleka lazo beza nganeno. Lalamhla basibengelela ngalolelo kwaZulu. Ngiyakhumbulu ukuvulwa kwe Old Bulwayo, amajaka avakatshela uZwelithini, wabakhumbuza ukuthi "phela lina labaleka lenkomo zeNkosi"

Amabizo amanengi la ande azinkabini ngoba yizo ezazisentshenziswa ekudonseni izinqola. Njalo amabizo amanengi asuka esibhunwini ngoba yibo ababesebenzisa izinqola njalo amaNdebele athatha lawa mabizo kubo.

uBhusumani uVayisi, uRhomani, uJamafel - Zinkabi ezibomvu lezi, Kuthi uRhomani yena ajiye ukuba lubende entanyeni.

uVorisak - yinkabi ebomvu elokuzinmponjwana okufitshane okuxegayo.

uBhakeri - Yinkabi ebomvu elempondo ezikhangele phansi zonke

uHolfant - yinkabi elubende elempondo ezikhangele phansi.

uSeyilant - yinkabi elubende elempondo ezikhangele phambili

Litsho lani lapho elizibiza khona ngokutshiyeneyo.

Sengathi lonke lakhula sokulima iDDF, kumbe lani lalitshayela, of Africa labo stimela. Nxa selibuye kama A1 uzaqala umsebenzi emasimini. Lizibize letshone. Nanka amanye esiwasebenzisayo.

uLengisi - (thick ndeble L sound) yinkabi eligodla

uLentusi/Bentusi - yinkabi eyintusi ( elebala elimhlophe eleqa eqolo)

uJamluthi - yinkabi elempondo ezichayileyo.

Ah! sekungathi ngakwenu zazingagaxwa amajogwe. Lalizikhuze lisithini, kumbe yini labana abokutshaya amagoda angathi ngumbhobho inkabi zihambe zigijima okwamadonki. Nxa zingezakithi ezazande amabula, zethuka lapha kuqamuke yonke into. Mhlawumbe lizikhuza ngenjumbane kuphela. Ah lafa elihle. Selizakopa lapha ngelinye ilanga umuntu uzakuthi esiyathatha bakuphe ispane sakho wedwa.

uBhlomu - yinkabi eyinco, ilamabala amhlophe labomvu at 50% each colour

uBhantomu - Yinkabi elamabala amhlophe which are top to bottom, njenge Simental yalezinsuku.

uLabhu - yinkabi, elebala elimhlophe esiswini (on the side)

uVetpence - yinkabi eyigcotsha.

uSgeneri/Skeneri - yinkabi eyinala, ensikazi nguNakazi

Phela omunye umfana wathi ekhuza inka wathi "yenzani le ngizayitshaya, ifuze ugogowayo owafa ehawula". Sasala sizibuza ukuthi bekutshiwo bani.

Tshalibekhi, Donkeri, Kresmani,
Yenzani le, ngempondo ingathi zingaja zomqokolo. Hk hk hk

uTshalibeki iyabe ingenjani? Leli bizo lalingavamanga ngakithi, ngangilizwa kuphela emlageni kodwa angisakwazi ukuthi liphiwa inkabi enjani. Sengi phongufanisa inkabi ethi engumDaka ibe isiba lamabala amhlophe kumbe eyiNtenjane.

Nansi esinye ispane,

uFariteni - yinkabi eliganu, ensikazi, nguGanukazi

uDonkeri - yinkabi/nkunzi eyinsundu.

uDambreni - yinkabi engumdaka

uBhokfell - Silipha inxaha elilempondo, eziqatha (ezingacijiyo ekucineni) besezichaya kancane.

Hitshi- Hitshi abathi ibafazibewela yona ngenjani?

lakanye ngaze ngakholisa ukufunda ngenkomo.ngitsho njalo ngoba sibe sixoxa ngazo ebhawa kuyonale impelaviki.kakhulu sibe sikhuluma ngokubana umhlambi wawuthi ungafika lapho okwafela khona enye, zibhonge ezibhongayo,zikhale ezikhalayo,ezinye ziqhwande phansi,uzwe lawe ususesaba.mina kwakusala kancane zingehlanga izinyembezi,ngoba phela ngizithanda inkomo.
kuthe kumnandi kunjalo silokhu sixoxa kwezwakala enye indoda isithi yananzelela ukubana babethi bengayihlabela esibayeni, zazingakwenzi lokhu. uma ngithi ngiyakhangela emuva,uqinisile lobaba.kwathi omunye weza lesizatho sokubana abadala babethela inyongo yayo khonalapho abayihlinzele khona.
kuthe kusenjalo wezwakala umlungu ethi yena ibhawa isivalwa. phela laso isikhathi umhawu! kuya kuthi izindaba zisitsha,kumnandi abantu sixoxa,isikhathi sibuye sidliwe ngumangoye.
ngiza zama ukufaka indaba yamabizo ezinkomo kumphakathi ngempelaviki sike siyihlafuhlafune.