Inina lijuja elinye ngomhedla ewofisini




KWENZAKALE imbedumehlwana enzikini yedolobho lakoBulawayo izolo libalele emini lapho omunye umama ocatshangelwa ukuthi lidlalicatsha egwazwe ngenkalakatha yomhedla wabazingeli ehlombe ngumfazi obethi umfundisa isifundo.

Le insindabaphenduli yenzakale ku7th Floor eFidelity lapho uNkosazana Nomadlozi Siwela, oleminyaka engu-25, egwazwe nguPrimrose Mukwazo.
Kakho obekwazi ukuba lintombazana (umagwaza) ebikhangeleka njalo ungeke owaba lensolo layo, ingaba yisigilamkhuba. Ngitsho lomantshingelane esangweni lesakhiwo lesi uthi kabonanga ukuba ingumfula ugcwele le intombi.
“Ungene esithi ulande ipersonal business yakhe njengabanengi okokuba bengingeke ngabona ukuba uzokona,” kubika uugadi.
Phakathi ehofisini yesehlakalo lesi bathi uSiwela ugwazwe ehleli esihlalweni sakhe somsebenzi kunkampani yeLeeward Investments emini yekuseni.
Ababone linkemenkeme yesiga bababaze ngokwesabeka kwenkemba esetshenziswe ukugwaza uNomadlozi.
“Untombazana lo ungene ehofisini ngesiqubu sokhozi ludobha itsiyane, eqonde lapho obekuhleli omunye wethu obezisebenzela calaceleni. Kazange akhulumise muntu ngitsho lomsizi wakule inkampani lathi saze samangala ukuba kanti kusani lokhu.
“Sisamangele sibone lumama obekhanya elesibindi sesambane, ekhipha inkalakatha yomhedla esikhwameni sikamakhwapheni abesithwele, wajuja uNomadlozi ngawo ehlombe. Wonke umuntu wethukile sesisizwa isililo sathi sithi mehlo suka sabona omunye wethu usebelethe inkalakatha yegqamu engingakaze ngiyibone lokhu ngathwetshulwa yingwe,” kulandisa omunye osebenza loNomadlozi.
Kubikwa eqeda lapho uMukwazo weqe wama bucwadlana loNomadlozi obesebubula wagoqa izandla wazithulela zwi. Bebona ethule zwi engakhulumi uMukwazo, omunye ubaba uze wamtshaya ngempama esithi katsho phela inkinga yakhe.
Yikho lapho abaqale ukuzwa eliphuma emlonyeni wakhe esithi: “Yena ukhombeleni indoda yami engadingi eyakhe.”
Kubikwa izikhulu zale inkampani besezibizwe yikuhlaba umkhosi zeza ngobunengi bazo yizo njalo ezisize ukuhamba lesigebenga lesi emapholiseni. Kubikwa besizithulele singakhulumi lutho, kukanti ezinye izisebenzi zicabangele ukuba ubengayedwa, zitsho ukuba mhlawumbe uthethe kumbe uphuze okubulala imizwa.
Abakhulu benkampani le labo bebelokhu bethithibele ngesikhathi uMthunywa ebethekelela, kukhanya ukuthi ngempela amadoda amadala angumhlanga.
“Angikaze ngibone igqamu engaka empilweni yami, bekuvele kungakhangeleki ngoba lathi sinje singamadoda besisesaba, mina ngize ngahlengezela lezinyembezi. Konke lokhu kwenzakala nje umakwenza umi akagqize qhakala ephethe enxapha njalo ekhanya engethukanga, ngitsho lakhathesi emapholiseni lapho esimtshiye khona lokhe engatshintshanga,” kulandisa omunye umaqhuzu wakule inkampani.
UNomadlozi ugijinyiselwe esibhedlela seUnited Bulawayo Hospitals elokhu ebelethe umhedla wengqamu ehlombe lapho okuze kwadingakala ukuthi ahlinzwe ukuthi ikhitshwe. Esibhedlela bekuyizililo zodwa, kukhanya ukuthi uNomadlozi usesimeni esibi kakhulu. Izihlobo zikaNomadlozi azithandanga ukukhuluma loMthunywa zithi azikho esimeni sokuthi zikhulume.
Isikhulumi samapholisa koBulawayo, uInspector Mandlenkosi Moyo sivumile ukuthi kulesehlakalo esinjalo esenzakeleyo. Wengezelele ngokuthi igqamu esetshenziswe yisibotshwa isisezandleni zabo.

(UMTHUNYWA OlweSihlanu, Lwezi 9, 2007 ) NguGugulethu Ncube lo Nobuhle Mgwaqo

Yebo kambe kungabe kuliphutha labobaba kodwa ke bakwethu yiyo yini indlela eqondileyo yokuphatha indaba ezinje? Violence will never bring sanity to yo home and marriage relationship, neither will it terminate a relationship between yo spouse and his concubine. If for certain this lady was dating "her" hubby, the later will be forced to sympathise with the concubine and they are bound to be drawn close to each other as he is likey to feel indebted to the lady. But wena nina yu have a case of attempted murder to respond to in the courts of law, And abantwabakho ke, bazoba yini during that process. Bomama be wise, uba umuntu ele-weakness yezidwaba hlukana laye peacefully, umane ubengumabuyekwendeni kodwa ule-clear conscience. Two "wrongs" will never make a "right"

Esh!!Kuyethusa lokhu!But unfortunately we don't have full facts mayelana lale inkemenkeme yendaba. Nxa kuyikuthi umagwazwa ubekade eke wakhuzwa ngoku jola lendoda yomnikazi njalo ekwazi ngemuli yal'inkunzi yena waphikelela, ufunde isifundo angasoze asikhohlwa empilweni njalo simufisela ukuthi asile(engafi). I am sorry but I would consider doing the same ma enye indoda ingaphikelela ilala lomfazi wami!(Isala kutshelwa sibona ngomopho). However I feel sorry for the victim if the man lied to her and she didn't know about this 'wife' but nxa elichithamuzi, she has paid the price!

Isikhathi esinengi obaba kasiphumeli egcekeni ngoba phela awungeke uthi ufuna intombi uthi `ngiyakuthanda kodwa ngilomfazi` ibisivuma. Sijwayele ukuthi lanxa intombazana isazi ukuthi ngithethe besengisithi kuye mina lomfazi silama problems so vele kangiboni ukuthi sisazophilisana ngisitsho ngiqamba amanga. So ungathola ukuthi maybe she did not know until it was too late ukuthi lumuntu ulomfazi.