Cha! bandla lakwethu ngithi angiphonse nali itshe esivivaneni. Akwenisine nizibethele nganazi izibongo zeLembe lakithi kwaNodwengu.


izibongo zeNkosi uShaka:

uDlungwana kaNdaba
uDlungwana wombelebele
odlung’ emanxulumeni
kwaze kwas’ amanxulum’ esibikelana

uNodumehlezi kaMenzi
uSishaka kasishayeki kanjengamanzi
iLemb’ eleq’ amany’ amalembe ngokukhalipha
uShaka ngiyesab’ ukuthi ngushaka
uShaka kuyinkosi yase maShobeni

uNomakhwelo ingonyama
uMahlom’ ehlathin’ onjengohlanya
uhlany’ olusemehlwen’ amadoda

uDabaz’ ithafa ebeliya kuMfene
uNomashoshovu kaSenzangakhona
uGaqa libomvu nasekuphatheni
………………………………….
uVumavumane lukaphephe
uDlungwana wavuma na?
……………………………………
iLanaga eliphahl’ elinye ngemisebe
kalokhu liphahl’ eliseMthandeni

amazwi mabili engiwabongayo
ngibong’ elikaMpandaba nelikaNdungenkomo
bethi ucu aluhlangan’ entanyeni
akenibuze kwabaseZinkondeni
bath’ uhilwayo bayakumhlaba kwaHlokololo
kwaf’ amasi kwaf’ uqephe

uTeku lwabafazi bakwaNomgabi
betekula behlez’ emlovini
beth’ uShaka kakubusa kakubankosi
kant’ unyakana (uShaka) ezakunethezeka

inkom’ ekhal’ emthonjaneni
izizwe zonke ziyizwile ukulila
izwiwe uDunjwa waseluYengweni
yazwiwa uMancengeza wakwaKhali

uMlilo wothathe kaMjokwane
uMlilo wothathe ubuhanguhangu
oshisizikhova zaseDlebe
kwaye kwasha neziseMabedlana

odabule ku Ndima noMgovu
abafaz’ abanendeni baphuluza
imikhubulo bayishiya izinqindi
imbewu bayishiya semahlangeni
izalukazi zasalasemanxiweni
amaxhegu asala semizileni
iziqu zemithi zabheka phezulu
...................................................

ozulu lizayo khwezanabantwana
ngabadala bodwa abazozibalekela
uDunjwa yedwa limkhandisile

oye wakh’ amaxhib’ othukela
lapho kucushw’ isilo ngmwowane

.......................................................

ondande ngankalo wabuya ngankalo
.........................................................

uLusiba-gojela ngalaphaya kwenkandla
lugojela njalo ludl’ amadoda
..............................................................
uMxoshi womuntu amxoshe futhi
ngimthand’ exosh’ uZwide ozalwa uLanga
emthabatha lapha liphuma khona
emsingisa lapha lishona khona
............................................................
uSilwanw-helele emzini yabantu
uSilwane ubenduna kwaDubandlela

uBhincakade waze wafunyaniswa
ovunulel’ ezifundeni zamanzi
into zakhe zamuka namanzi

Mgengi phez’ izitha kusehlobo
utshani bude buzokugibanisa

inyath’ ejame ngomkhonto phansi koMzibomvu
amampond’ ayesaba nokuyehlela
nani boGambushe nani boFaku
ninganhlabi
nothi ningamhlaba
niyoba kanihlabii yena
kwoba senihlab’ uPhunga nahlab’ umageba
kwoba senihlab’ uNgqushungqush’ esiswini
.......................................................................
uGasane kade lubagasela
...........................................................
uDlongwane luyaluhlezi
luya ludlondlobele
lubekisihlang’ emadolweni

oth’ esadl’ ezinye wadl’ ezinye
wath’ esadl’ ezinye wadl’ zinye
oth’ esadl’ ezinye wadl’ ezinye
wath’ esadl’ ezinye wadl’ zinye
oth’ esadl’ ezinye wadl’ ezinye
wath’ esadl’ ezinye wadl’ zinye
oth’ esadl’ ezinye wadl’ ezinye
wath’ esadl’ ezinye wadl’ zinye
oth’ esadl’ ezinye wadl’ ezinye
wath’ esadl’ ezinye wadl’ zinye

uHlabahlungu bazoshumayezana
nabasezitheni nabasekhaya

uhlaza oluyinyongo yembuzi

uvemvane lukaphunga
lumabal’ azizinge sengath’ abekiwe
uMzizim’ ongamathunz’ ezintaba
khona kuhlwa kuhamb’ abathakathi

ingqayingqayi kaPhunga noMageba
engibuke ngaze ngayojwayela

uMasengomahle inkonyane yenkomo
kwangixaka* ukukhaba kwalenkomo
yakhab’ osengayo yadel’ umbambi
..............................................................
ohamb’ ebasa eshiy’ amakloba
ophehlwe weva wanjengomlilo
..........................................................
uMaswzisela wakithi kwabulawayo
oswezisel’ uZwide ngamagqanqula

izulu elimagwabagwaba likamageba
elidume phezulu kunomanci
laduma phezu komuzi eKuqhobekeni lashaya*
lazithath’ izihlangu zaMaphela naMankayiya
amabheqan’ ezimpaka asal’ ezihlahleni
..................................................................
uSishaya-ndlondlo bakushayile
ubusika nehlobo bahlukene
nabakwaNtombazi nabakwaLanga

inkonyan’ ekhwele phezu kwendlu kwaNtombazi
bathi iyahlola
kant’ ibona bezaz’ ukuhlola

indlov’ ethe imuka babeyilandela abakwaLanga
ibuyisinhloko yadlamadoda

ocel’ ugwayi kuMacingwan’ eNgonyameni
uMacingwae wawulandula
wawuzikholisile
uSineke-suduka lapha kuMacingwane
kunsikwan’ abantu ubabangel’ uxhuxhu1 (1 = excitement)
nabasezitheni nabasekhaya
.....................................................................

uMoya womzansi womngenelo
ohlez’ ubangenela nangonyango
liwukhiphe qede bayikhoth’ imilomo
abezindlu nabezindlwana
…………………………………………….
uSiphepho-shunnguza ngasemkhandlwini
sikwenqab’ ubayede ngaseLangeni

izinkomo zabantu Shaka ziyeke ziyinkelenkele
zikhungel’ izingob’2 emashobeni (2 = sharp knives)
zinjengoNgobe inkosi yakwaSowethu

uMasukwana-kuse onjengengonyama
idlizinkomo zamadoda
………………………………………………..

uMsingi wazansi woz’ usingenhla
woz’ usinge lapha kuyilanga
………………………………………….
uPhaqa3 njengelanga (3 = alone)
…………………………………………….
uDlungwan’ odlimihlambi yabahwebi
wadl’ ezikuMandeku kwa Mlambo
udl’ abadlungwana bakwa Mbengi
owahlab’ esengwayo zand’ ukwaluka
othandayo akamzel’* ekhaya

inyon’ edl’ ezinye
yath’ isadl’ ezinye yadl’ ezinye
ith’ isadl’ ezinye yadl’ ezinye
yath’ isadl’ ezinye yadl’ ezinye
ith’ isadl’ ezinye yadl’ ezinye
yath’ isadl’ ezinye yadl’ ezinye

ongangezwe lakhe omkhulu kakhulu
ongangezintaba
ongangoSondude
ongangesihlahl’ esisokhalweni kuMaqhwakazi
esasihlal’ amaNdwandwe namaNxumalo


ungisize Maphitha noNgqengelele
umnike nkomonye afund’ ukukleza
umnik’ ukhande4 lokuzimbela (4 = sharpened stick)

osifuba sinenqaba5 uBayede kaNdaba (5 = mystery/ secrete)
ngoba enentethel’ emaLangeni

uNdaba ngiyameba ngimuka naye
ngimbuka kwehla izinyembezi
kuba sengathi ngibuka isihlahla soMdlebe
……………………………………………….
Ugungubele6 njengolwandle (6 = curved)
Lona kuzekuse lugubelana

Isidlangudlangu esinjengendlebe yendlovu
Ongangencube yamabel’ angadliwa
Ongangembiza yamashongololo

uyiSilo! uyiNgwe! uyiNgonyama
uyiNdlondlo! uyiNdlovu!
ungangezintab’ ezinde oMpahlela noMaqhwakazi
wen’ onyama

wena wakhula silibele
sidlukula-dlwedlwe
siyadla sidlondlobele
sibek’ isihlang’ emadolweni

……………………………………………
Nkwenkwez’ ende kamjokwane
imi ngomsila
iye yabambela phezulu ezulwaini
kwaphum’ amakhwez’7 amabili phezul’ ezulwaini (7 = morning stars)
amakhwez’ aphum’ abikelana
uSomakloba akhangelene
nelakwaNtombazi nelakwaNandi

…………………………………………..
Ntonga yethusi kaMjokwana
eshayamanzi kwavel’ udaka, wavela
………………………………………..
Ibele8 likaMjokwana elikheth’ izinhlambo9 (8 = corn seed,9 = low-lying land)
……………………………………………….
uMthent’10 ohlab’ usamila kaMjokwane (10 = grass)
…………………………………………………..
Ntonga emnyama kaMjokwane
…………………………………………………..
uHlazana lwanyongo yanyamazane
………………………………………………….
uSivutha sanginqe!
uKleb’ owehle phezulu
waye wanqamula kuMandungela
wadl’ ezazisengwa yindiki yakwaMavela
kwath’ ezikaSihayo zamlandela
uQwabe wadla ngokumsibekela
……………………………………………………..
ithol’ elinsizwa lakokambengi
ekade liwaginqamanye
ngob’ edl’ izinnkomo ezinemvunganvunga
ngob’ edl’ izinnkomo ezisoDlodlweni

uSiphuphuma esimadelimiyalo
ivila elidl’ amabel’ ezikhuthali

ocaba11 ngomkhonto amakhos’ ecaba ngamazembe (11 = clearing the way)
wamemez’ impi kumenziwa wathi mayikhweb’ amabele

iMfoloz’ emnyama kaSithayi noBhinyane inkethabaweli
ingawelwa ngonethole
ongenathole angakhokh’ umntwana
inxe (uma) engenamntwana angakhokh’ igeja

isinyama esilele kuNdaba
siyavuka sidl’ amadoda
ngesakwaphumuz’ abant’ imilomo

odl’ izinkomo engantuli mazembe
amazembe uzakuwantula ngonyak’ ozaphenduka

inyon’ ebizwe ngamakhwelaseNgome
nanamuhla lokhu ukhalo lukaDladlama lusamangele
lusamangele ngoba lungasawabon’ amaqoq’ akwamajola
selubon’ amaqoq’ akwaMalandela
……………………………………………..

uyisinise ngokhalo lwabantabakaTayi
izwe laphenduk’ umbhedazane
izinkomo nabantu zamlandela

uDlongonyane likaNdaba
luhlezi ludlongophele
isihlangu lusibek’ emadolweni
(a) kabakhisile, ubabangel’ uxhuxhu
abasezitheni nabasekaya

............................................................................
owalokoth’ ulwandle engaluweli
lwaluwelwa zinkonjane nabeLungu

insukamini kaNdaba nanxa ilanga liphenduka
umxoshi womuntu amxoshefuthi
ngob’ exosha uMbemba ezalwa emaGozeni
wamxosha waye wambeka eSilutshana
wafunyanis’ umhlanga wabakhwetha
kanti zithutha zakhona

izembe likaSenzangakhona
elith’ ukugawula lakhuthazela

obon’ izinkomo zisengcongweni phezulu
wazehlisa ngezinjongolo zemikhonto zehlika
wazingelez’ ubuso ngezinembezi

uNgibi naNgwadi
ingwan’ ehamb’ ivimbel’ eziny’ izingwan’ emazibukweni
Sikithi! Sithithi’ omnyama!

Bayede! Wena weNdlovu

Blimey!You must be taking the piss Mfethu ngoba this is too long even for those who were alive during his time to remember and recite.

I will assume your sources are exceptionally good or you are just too creative for your pants.Xola!

uyihlabe esikhonkosini mfokababa.ngiphose nami okubili okuthathu okungabe kusele...

usalakuthselwa, usalakunyenyezelwa
igawu bazawuliluma, bazawuliphimisa
bakhumbul' amagaw' abebesi...

uNgelengele kalingani nantaba
uthe ngokulala wangangemifula
uthe ngokuvuka wangangezintaba...

intab' emahwanqa
laph' okuphelela khona
imihlambi yezinkomo neyamadoda...

umbebe kamama, beba simuke
ohambe bemsola
wabuya bemzek' izibongo...

usisanhloko amanye amadoda
evala ngamaklwa
ilanga limdondoza
lithe liphezulu lansansa...

ngisacela sizichazelane ngoba kukhona okunye engingakwazi ukuthi kubuyaphi.

ukudlunga-ukukhankasa ngolaka
Belebele-ibutho likaShaka
uNodum' ehlezi kaMenzi-wabanodumo engakenzi lutho esemncane
ilanga eliphandle elinye ngemisebe-ukubulala kwakhe uSigujana owayeseqokwe njengenkosi
ophehlwe weva njengomlilo-tried and tested

Ngivumelana nawe ngengcazelo yakho, sizokhumbula ukuthi ngesikhathi uShaka ekwaMthethwa lapho akhulela khona ukuthi ubesaziwa kakhulu ngokuba nekhono njalo eligagu (gabazi). Kwathi ngesikhathi uSenzangakhona evakashele uDingiswayo uShaka wasina izalukazi zabamba owangaphansi, ingevu zaphulula amadevu. Ngaleso sikhathi uShaka ube engaziwa kwaZulu, ngoba wasuka nonina uNandi baya eLangeni esesemncane kakhulu. UMenzi uma ngisakhumbula kahle ubenguSenzangakhona.

blimey Zphoso, uqinisile lomfo. kwakuyinsizwa leya. kwakungadlalwa. zonke leza yizibongo zayo. futhi amaSuthwini babebiza ezabo uma bekhuleka kuleyansizwa. ma ubhekile ungathi zinde kanti qha, zilula ukuzukhumbula ngoba zazingabhalwanga phansi. as long as usazi isiZulu nawe wawungazisho. kodwa ungihlekisile wemfo. Xola. ingabe yena uzithathephi loyamfo. kodwa kwawena uma kungathiwa if awuzazi after 3 days uyakwagoqa uyozishaya zonke.

Ng'be nging'enelisa ukuzibiza ngisemfitshane hatshi khona manje.

Noma nxa kwakungathiwa ng'zobulawa angithembi ukuthi bekunganceda ukuthi ngizikhumbule zonke ngoba uvalo lalo luyaphazamisa worse!

Anyway khanya babemqhuqha impela uShaka.

Zphoso mfethu kunjani namhlanje. we mfo leyandoda kwakuyinsizwa hayindaba yokudlala. futhi ikhaliphile injalo nje. kunencwadi igama layo ithi kwa-Bulawayo. hayi leyakwa-Bulawayo yasekhaya. cha ikwaBulawayo yase Stanger kwa-Zulu. angithi uyazi ukuthi igama lakwaBulawayo litsho isigodlo sayo leyansizwa le kwa-Zulu. funa incwadi isihloko esithi kwa-Bulawayo uyobhema okholwe mfo.

if awuyitholi ungazise ngiyokufunela yona.