NGUBANI OYOLALA ENTUMBANE?


Isizwe siya lila kuhle komfelokazi ongazele
Isizwe silambile, siyalangazelela, siyafuna njalo siyafisa
Ithemba kalibulali
Ithemba alilahlwa
Ithemba liyaphilisa
Isizwe sinethemba

Yadilik' intaba yayobekw' ENtabeni
Yadilik' indlovu yayobekwa ENtumbane
Ngubani oyolala ENtumbane njengeNkosi?

Izingane zisabalele amagumbi aman' omhlaba
Uphi umqoqi, azibuthe kuhle kweNkosi isakha isizwe?
Uphi oyobiza iMbizo?
Ngubani oyolala ENtumbane?

Shamase, Nkwali yeNkosi ungabe usuzimisele na ukuluhamba loluhambo?
Ungabe usuzimisele ukuyiqoqa eyeNkosi?
Dabengwa ungabe usuzimisele ukuluhamba loluhambo olumazombe
Olunameva na?
Ngubani oyolala ENtumbane abizwe iqhawe lesizwe?

Ngubani lapho icilongo likhala
Isizwe siyohlanganisa amakhanda sithi:
Idilikile intaba, ayiyelondolozwa ENtabeni, ayiyetshalwa Entumbane?

Asibuthwe iszwe senkosi
Azibuthwe izimvu zedlelo
Ezenkosi uzibona ngophawu lwazo
Ezenkosi ziyasazi isibaya sazo
Ngubani oyozibutha emahlangeni?
Ngubani oyoklonyeliswa ngokubekwa eNtumbane?
Ngubani oyokunikezwa igama lokuthi yiqhawe, ngoba eziqoqile intandane zenkosi?
Ngubani oyozikhomba indlela?
Ngubani oyozinika isibindi?
Ngubani oyozifaka ngaphansi kwawakhe amapiko?

ENtumbane kulala amaqhawe akoMthwakazi.
ENtumbane kulala abakhi besizwe.
Ngubani ozosakha lesisizwe?
Ngubani oyolala eNtumbane?

Akumpunga yehlathi
Azibuye emasisweni
Okungapheliyo kuayhlola
Awagingqwe amatshe encindezelo
Alikhunyulwe ibhantshi loncindezelo
Ngubani oyolala eNtumbane?

Lapho Imbizo ibizwa, ngubani oyosabela?
Lapho okaShamase ememeza, wubani oyosabela?
Lapho uDabengwa eyigqizisa, ngubani oyothi ngikhona?
Lapho okaShamase eyihlomisa, eyikhaliphisa, eyicija, ngubani oyosabela?

Ngubani oyolala eNtumbane?
Mthwakazi ngiyabuza, ngubani oyobizwa ngeqhawe?

The socio-economic situations is dire in Mthwakazi .The saviour would be the one to take prompt ,drastic and bold ACTIONS towards delivering the nation.Indlala ibhokile; kudliwa amaxolo, impande amagxabagxaba, lokunye okunenginengi. Amahu athi kulabantwana abatholakale sebedle umdlwane unina eyebaphandela.That is very sad. If that is true, pho okungasikufa yikuphi Mthwakazi? Kungekudala uzezwa abazalwane bethu sebebulawa yizihudo leminye imikhuhlane ethanda isimo esibhedayo njengesaseKhaya.

Personally, I dont see MPC and ZAPU(and other Mthwakazian parties) as foes.The difference yikuthi i ZAPU ngezasemasisweni kodwa uphawu lunye la esibayeni sikaMthwakazi.Ma zithelwa ngomquba walapha ekhaya zihamba lomhlambi wonke wakoMthwakazi. A common ground must be found ku ideology and we synergise our efforts sikhulumeni SISENZA into yethu. Awu sabulawa sibhekile Mthwakazi! Hayikhona.

Co-signed.